3 nyied 18 hauh, youz Gvangjdungh Swngj Gyauyuzdingh dangjcuj cwngzyenz、fudinghcangj Cuh Cauhvaz guh boux cujcangj, buenx Gozvuyen Gyauyuz duzcazcuj 3 boux vunz daeuj daengz gih raeuz Gveigangj Si Cinzdangz Gih Mungz- gungh Yangh Minzcuz Cuhgiz Cunghyoz, doiq gij hong bi 2015 haggeiz seizcin haihag cingzgvang guh cienhangh dukcoi ceijyinx genjcaz. Swcigih Gyauyuzdingh gih- gyaucu cucangj Loz Su, Gveigangj Si Gyauyuzgiz gizcangj Vangz Gengih, Cinzdangz Gihveij cangzveij、fugih- cangj、senhconz bucangj Huz Gyangz nem Cinzdangz Gih Gyauyuzgiz mbangj vunz buenx bae caez guh duzcaz.

Gyoengq boux duzcazcuj dingq le Luz Gozminj yaucangj guh hong haihag veibau le, lij bae fuengz- banhgoeng lauxsae、ndaw gyausiz caeuq saeseng gyauhliuz naenghdamz, doiq gij cingzgvang hagdangz haihag diuzgen baujcang、hong ancienz hagdangz、hengzguh gveihfan banh- hag、doih lauxsae gensez、cungdenj gyauyuz hanghmoeg doicaenh nem lozsiz baijbouh hong cienhangh daengj roek fuengmienh neiyungz guh duzcaz. Mwh gyoengq boux duzcazcuj rox daengz Mungzgungh Minzcungh dwg aen hagdangz Cuengh Gun song saw vah sonhag sawqniemh le, lij daegdaengq dingqyawj le lauxsae hwnj goq Sawcuengh caeuq goq minzcuz dijyuz. Gyoengq boux duzcazcuj lij ngonzyawj aen dieg langhbaij gaiqdawz hongnaz ndaw- biengz Bouxcuengh、aen fuengz langhbaij doxgaiq vwnzva ndawbiengz Bouxcuengh nem roqhongh senh- conz minzcuz vwnzva, sijsaeq liujgaij hong gyauyuz sonhag cingzgvang hagdangz.

Gyoengq boux duzcazcuj doiq hong haihag hagdangz caeuq hag- dangz aeundaej gij cingzcik maenh- ndei neix gig muenxeiq, nyinhnaeuz hagdangz guh hong haihag guh ndaej ndei, hong ancienz guh ndaej ak, gyauyuz sonhag miz diuz miz leix, banhhag hengzguh gveihfan gonq- laeng baijbouh ndaej ndei. Gyoengqde lij daegbied haenh naeuz aen hagdangz neix banhhag miz minzcuz daegsaek, vwnzva Boux- cuengh daej laeg daej na.