Daj 2004 nienz gvaqdaeuj, 20 lai aen sevei donzdij Aumwnz beixnuengx gungh 726 vunzbaez laebdaeb gien ngaenz 401.2 fanh maenz ngaenz bangfuz gih raeuz Ginzhih 13 aen hagdangz diegbya (hamz saeseng). Gij ngaenz neix hwnj ndaej 6 aen laeuzsonhag, gencuz menciz daih’iek 4500 bingzfuengmij; bang 7 aen hagdangz gaijndei banhhag diuzgen; bangfuz daih’iek 100 boux lauxsae caeuq 785 boux hagseng maenhndei roxnaeuz hagseng gungzhoj; soengq veivwnbinj caeuq gij doxgaiq hagsib hawj 5000 boux hagseng.

(Liuz Sinhvaz/刘新华 ingj)