Yungzsuij Myauzcuz Swciyen Hungzsuij Yangh Liengzsangh Mbanjmyauzcai, moix bi youq ndwencieng cocib cungj gawjbanh hoihbo cwngjyihciz hozdung. Youq hozdung ngoenzde, gyoengq beixnuengx Myauzcuz doxcomz youq itheij, boq venz、diuq fouxcaijdangz、ciengq go Myauzcuz, vaiqvued dangqmaz. Doengzcaez, lij youq gwnz hoihbo guh senhconz cwngcwz dangj caeuq faplwd fapgvi、gaicawx doxgaiq nungzyez, gyoengq bouxcoz saimbwk youq ngoenz hoihbo ra youx guhyoux. Gwnz hoihbo nauhyied ndeiyawj dangqmaz, cungj yinx haujlai bouxhek ndaw guek guekrog daeuj yawjngonz. Bi 2006, hoihbo cwngjyihciz gaenq ndaej lied haeuj guekgya gaep feihvuzciz vwnzva yizcanj mingzloeg.(Liu Swjyenh/廖子渊)