●Gyawj sam bi neix, Vanz- gyangh Mauznanzcuz Swciyen gungh roengz gij cienzngaenz fazcanj saujsu minzcuz 1516 fanh maenz, youq Daanh Yangh guh nem coih roensuij- niz 34 diuz, gungh 55 goengleix, fanh lai vunz souh’ik, gaijndei gij gihcuj sezsih aen yangh neix, gij cienzngaenz neix doiq aen yienh neix guh“daengx mbanj doihaeuj”fuzbinz gig mizyungh.

(Veiz Vwnjbangh)

●Bi’gvaq, Lozcwngz Mulaujcuz Swciyen comzrengz dajcaux gij lijyouz gingjdenj miz minzcuz daegsaek, fazcanj swnghdai lijyouz, comz miz gij gingjsiengq swyenz、funghcingz Mulaujcuz、genswnh youqndwi、ngonzyawj suenmak、gvaq swnghhoz nungzgyah daengj, daengx bi ciep hekyouz 36 fanh vunzbaez, souhaeuj 1.06 ik maenz.

(Mungz Cwnghswh)

●Bi’gvaq, Yungzsuij Myauzcuz Swciyen Minzcunghgiz miz diuz siusik ndeu ndaej Guekgya Minzveij Vangjcan yungh, 55 diuz siusik ndaej Swcigih Minzveij Vangj yungh, 26 bien gaujgen ndaej《Gvangjsih Minzcuz Bau》yungh, 5 bien gaujgen ndaej《Liujcouh Yizbau》yungh. Aen giz neix ndaej bingzguh aen cizdij senhcin guh hong siusik minzcuz.

(Fung Sauswh Veiz Yungz- cinh)

●Daj 2013 nienz daeuj, Fuconh Yauzcuz Swciyen Denhdangzlingj Linzcangz gaijguh ranzbungz, ndaw linzcangz gaijguh 102 aen ranzbungz ndaej guekgya coengh 204 fanh maenz, gag comz 888 fanh maenz, moix ranz hwnjguh menciz 60 daengz 144 bingzfanghmij. Doeng- gvaq gaijguh, mizyauq dwk hawj ndaw linzcangz neix doenghboux cizgungh gungzhoj de youq ranz onjndei.(Cinz Yengiz)

●Bineix, Fangzcwngzgangj Si Gangjbwz Gih Dahih Cin Sizguj Cunh oijndaem ndaej fungsou, yinx le haujlai lauxbanj daeuj soucawx. Dangqnaj, daengx cunh ndaem oijndaem 250 moux, bingzyaenz moix moux sou ndaej 7 dun, gyaq soucawx moix goenggaen 1.5 daengz 1.6 maenz, moix moux daihgaiq souhaeuj fanh maenz, daengx mbanj gai oij ndaej souhaeuj 250 fanh maenz baedauq.(Veiz Sauboh)