Gijgwn ndei cangq uk lwgnyez miz:

Bya ndip. Bya ndip hamz miz gai、danbwzciz、bubaujhoz cihfangz- sonh daengj doxgaiq, ndaej faengaij danjgucunz, hawj sailwed uk doeng- swnh, dwg gijgwn ndei cangq uk lwgnyez.

Gyaeqhenj. Ndaw gyaeqhenj hamz dan’genj caeuq gyaeqhenj daengj gij yingzyangj doxgaiq aen’uk aeu miz haenx, lwgnyez lai gwn gyaeqhenj ndaej hawj aen’uk lai vued.

Raetmoegngaex. Raetmoegngaex hamz miz youzlauz、danbwzciz、gvang- vuzciz caeuq veizswnghsu daengj yingzyangj cwngzfwn, hix dwg cungj huqndei cangq uk lwgnyez ndeu.

Duhhenj. Ndaw duhhenj hamz miz danvangzsu caeuq danbwzciz daengj yingzyangj doxgaiq gig lai, lwgnyez ngoenznaengz gwn di duhhenj roxnaeuz gijgwn aeu duhhenj daeuj guh he, ndaej hawj lwgnyez dem geiqsingq.

Gyoijhom. Gyoijhom hamz miz gvangvuzciz gig lai, hamz gyazlizswj hix lai, lwgnyez ciengz gwn ndaej cangq uk.

Byaekgienjsim. De hamz miz veizswnghsu B gig lai, lwgnyez ciengzseiz gwn, ndaej yawhfuengz aen’uk naetnaiq.

Linghvaih, haeuxfiengj、lauxbaeg nding、raetgimcim、maenzdoengzlingz、raetrang、haijdai、lwgraz ndaem、makbingzgoj、duhdoem、yiengzcoeng、uk caeuq dungxsaej doihduz hix dwg gijgwn ndei cangq uk lwgnyez.