Bonjbauq siusik(gicej Suh Gyah- gvai) Vih dajcauh aen fwnveiz conzdungj vwnzva ngoenzciet, hawj gyoengq siminz angq gvaq ndwencieng doengzseiz, youq cungfaen vatgud yuzgyah vwnzva、ndwencieng conzdungj vwnzva caeuq Namzningz minzsug funghcingz swhyenz giekdaej gwnzde, Namzningz Si Gaiq Daihsam Ndwencieng Vwnzva Miuhhoih 2 nyied 17 hauh daengz 3 nyied 5 hauh youq Namzningz Gungjmyau gawjhengz.

Bonjgaiq miuhhoih gak hangh hozdung cungj miz gij daegsaek Cunghvaz yuzgyah vwnzva de, yienh’ok le Namz- ningz minzsug funghcingz caeuq daegsaek minzsug vwnzva, dawz yuzyoz、minzsug、ciep fuk、canjlanj、gyauyuz caeuq baijgai daengj gak cungj vwnzva hingzsik daeuj guh cingjhab, hawj siminz caeuq hekyouz doengzcaez camgya haeuj ndaw hozdung bae, hawj vunzraeuz youq ndaw aen minzcuz conzdungj ngoenzciet ndaej daengz maenhndei conzdungj vwnzva daeuj yingj- yangj、demgiengz aen swhauzganj “Gou Gyaez Cunghvaz”.

Gaiq ndwencieng vwnzva miuhhoih neix youz Cunghgung Namzningz Siveij Senhconzbu、Namzningz Si Vwnzva Sinh- vwnz Cuzbanj Gvangjdengiz cawjbanh, Namzningz Gungjmyau Gvanjlijsoj、Namz- ningz Yinzminz Gvangjbo Dendaiz、Namzningz Si Densidaiz ciep banh, Namzningz Si Yisuz Giyen Youjhan Cwzyin Gunghswh、Namzningz Si Minzcuz Vwnzva Yisuz Yenzgiuyen bangcoh gap banh. Hozdung neiyungz baugvat yuzyoz vwnzva baijyienj、cieng moq ciep fuk、conzdungj vwnzva baijyienj、vwnzva canjsiu seiq daih hangh. Ndawde, daj goek daengz byai cungj miz vwnzva canjsiu hangh hong neix.