Geij ngoenzgonq, boux ciyencej Cungguek Lajmbanj Lwgnyez Lienzhab Goeng’ik “Henhoh Nyezmbwk”daeuj daengz Ginhsiu Yauzcuz Swciyen Minzcuz Siujyoz caeuq Ginhsiu Cin Gunghoz Siujyoz guh henhoh nyezmbwk cihsiz gyangjco. Gyoengq ciyencej yungh gij fuengsik doxcomz hwnjdangz、doxcam doxdap neix, son hagseng baenzlawz rox henhoh swhgeij, bungzdeng ciemqhaih baenzlawz gag gouq. Gyoengq bouxciyencej lij fat saw fuengz denghaih caeuq doxgaiqyungh hagsib hawj hagseng. Gaengawq liujgaij rox daengz, aen hanghmoeg “henhoh nyezmbwk” neix dwg youz daengx guek gak dieg 100 boux mehmbwk gicej youq 2013 nienz 6 nyied 1 hauh lienzhab fathwnj aen hanghmoeg goeng’ik ndeu, muzdiz dwg bujgiz、daezsang lwgnyez ancienz fuengzre yisiz, henhoh lwgnyez, sawj lwgnyez mbouj deng ciemqhaih.

(Liu Yinzgvei Cau Binhningz/廖云贵 赵宾宁)