1 nyied 27 hauh, Lingzyinz Yen Cauzlij Yauzcuz Yangh Bwzcauz Cunh mbanj moq Lanzden Yauzcai, sing loxlez、sing riu、sing fwen hap doh daengx mbanj. Neix dwg ngoenz daegmbauq siuj Luz ciep yahmoq haeuj dou. Bawxmoq dwg dahsau Bahmaj Lanzden Yauzcuz, songde dwg bi ndeu gaxgonq ginggvaq baengzyoux gaisau doxrox gag damzyoux ndaej gap baenz gvanbaz.

Gaxgonq Lanzden Yauzcuz vwnhyinh dingzlai dwg youz bohmeh baubanh, seizneix gaijbienq lo, lwgsau lwgmbauq dingzlai gag damzyoux doxaeu. Youq vaensug gwnzde gag miz daegsaek, ndangdaenj ndongqrongh ndeindi, conzdungj vaenlaex gocwngz gipyinx gyoengq meizdij ndaw gih rog gih caeuq boux haengj goepingj haenx daeuj goepingj baudauj.

(Siuh Fazlingz/肖发凌 ingj/sij)