Lozcwngz Mulaujcuz Swciyen Swbaj Cin Se Siuyungz, dwg boux cienzswnj feihvuzciz vwnzva yizcanj gih raeuz (Mulaujcuz nyibsiuq). De daj iq couh hag rox “nyibsiuq haizva”、“haiz hwnj giuh” daengj dinfwngz. 2013 nienz, de nyibsiuq sam gienh siuqriengmax faenbied aeundaej Daihngeih Gaiq Gvangjsih Gunghyi Meijsuz Cozbinj “Bazgvei Denhgungh” gim ngaenz doengz sam aen ciengj, caemhcaiq aeundaej “Gvangjsih Gunghyi Meijsuz Daswh” aen cwnghauh ndei neix, deng vunz dangdieg haenh guh “yahnyibsiuq”.

Youq ndaw lwgda Se Siuyungz, Mulaujcuz nyibsiuq mboujdanh dwg bonj minzcuz vwnzva caidij, caemh ndaej hawj vunzmbanj demgya souhaeuj. Dangqnaj, de daiqlingx gyoengq lwgsae caeuq gyoengq mehmbwk ndaw mbanj daeuj hag nyibsiuq, moix bi vih ndaw mbanj demgya 80 fanh maenz souhaeuj.

(Veiz Yuzdai/韦如代 ingj/sij