Mboengqgonq, Swcigih “sam roengz- mbanj” veiminz fuzvu hozdung youq Lungzswng Gak Cuz Swciyen Lungzciz Cin gawjhengz. Miz 17 aen gihciz danhvei caeuq 5 aen Gveilinz Si danhvei gyoebbaenz vwnzva、gohgi、veiswngh “sam roengzbanj” veiminz fuzvu gunghcozdonz, gonqlaeng bae daengz Lungzswng Gak Cuz Swciyen Lungzciz Cin、Gyanghdij Yangh、Bingz- dwngj Yangh、Byauzlij Yangh daengj yangh ci nem mbangj aenmbanj, guh veiminz fuzvu hozdung. Ngoenzde, Lungzciz Cin gyoengq Yauzcuz beixnuengx dawz aen fungsug conzdungj gyug ceiz angqcoux bi moq Yauzcuz haenx buen daengz gwnz hozdung yienhciengz, dawz gij ceiz rangrwgrwg haenx baen hawj gyoengq bouxhek caeuq gyoengq beixnuengx ndaw mbanj gwn, itheij angqhoh bineix fungsou, maqmuengh binaj aeundaej fungsou. (Sinhvazse)