1 nyied 21 hauh, Ningzmingz Yen Cwngzcungh Cin Yaudaz Cunh Mbanjbanhlungz, gyoengq bouxsai mehmbwk mbanj neix youq laj gorungz gyaeujmbanj angqfaengfaeng eu gij fwen gyoengqde gag bien haenx, gij fwen neix aeu “ Gvangjsih gyaeundei·swnghdai lajmbanj” guh cawjdaez, danqhaenh seizneix lajmbanj vanzging gyaeundei, vunz ndaw mbanj doxbang huzndei.

Ningzmingz Yen laebdaeb 20 bi aeundaej aen yienh senhcin vwnzva daengx guek cwnghauh. Ningzmingz Yen haengjheiq cienzswnj vwnzva fwen Bouxcuengh, fwen Bouxcuengh youq Ningzmingz gaenq miz geij bak bi nanz lo. Dangqnaj, aen yienh neix miz 30 lai aen doihfwen, miz 80 lai aen mbanj miz “ciet fwenbo” , miz 1200 lai boux canghfwen ciengzseiz camgya eu fwen byaujyenj roxnaeuz eu fwen doxdax, sawj minzsuz vwnzva maenhndei Bouxcuengh ndaej le fazyangz caeuq cienzswnj.(Couh Yi zcouh/周贻刚)