Bonjbauq siusik(gicej Liengz Cingz/梁晴 dunghsinyenz Cau Vujlinz/赵武林 Sung Vwnz/宋文) 1 nyied 18 hauh, aen hoih Swcigih Minzveij(Cunghgyaugiz) Minzyijveij hidungj gunghcoz veiyi youq Namzningz hai. Aen hoih neix nyinhcaen hagsib nem gvancez gij cingsaenz gvendaengz vahgangj Siz Ginbingz cungjsuhgi caeuq gij cingsaenz gvendaengz hoih cungh- yangh、daengx gih minzcuz gunghcoz veiyi nem daengx guek minzveij cujyin veiyi、daengx guek cunghgyau gunghcoz veiyi, comzgangj gij hong daengx gih minzveij (cunghgyaugiz)、 minzyijveij hidungj bi’gvaq guh ndaej gig ndei de, anbaiz hong 2015 nienz. Swcigih Minzveij (Cunghgyaugiz)、Minzyijveij dangjcuj suhgi、cujyin Luz Yenbenj camgya haihoih caemhcaiq gangjvah.

Aen hoih neix byaujcangh ndaw minzveij hidungj doengh’aen cizdij nem doenghboux vunz bi’gvaq guh hong siusik ndaej bingzguh senhcin de.

Swcigih Minzveij fucujyin、sinz- siyenz Vangz Gigen cujciz baez hoih neix.

Baez hoih neix gungh miz 300 lai vunz camgya, gyoengqde dwg bang lingjdauj Swcigih Minzveij (Cungh- gyaugiz)、Minzyijveij, doenghboux lingjdauj daeuz gak si、 yienh(si、gih) minzveij(minzcuzgiz)、cunghgyaugiz、minzyijveij(minzyijgiz), doenghboux gijgenjcuj cujcangj gak si minzveij nem doenghboux fucwz gijgenj mbangj yienh giz、doenghboux daibyauj lauxhangz ndaw minzcuz conhgyah veijyenzvei, Swcigih Minzveij (Cunghgyaugiz)、Minzyijveij daengx- cungq ganbu cizgungh, boux lingjdauj ndaw danhvei cigsoh guenj de.