●1 nyied 6 hauh, Dwzbauj Yenveij Senhconzbu bucangj Yangz Goh daiq gyoengq minz- cuzgiz lingjdauj daengz saujsu minzcuz conzdungj dijyuz yindung yinlen gihdi Cuzyungz Cin Nenswz Cunh Mbanjya soengq lwggyangq daengj buek doenghyiengh dijyuz saujsu minzcuz coj miz de hawj vunz dangdieg, gij neix dij ngaenz 4000 lai maenz, vunzlai gig maij.

(Nungz Yungjfang)

●1 nyied 7 hauh banhaet, Ginhsiu Yauzcuz Swciyen Loz- yangh Yangh Cunghsinh Siujyoz 16 boux hagseng ranz gig gungzhoj de moix boux soundaej faenh“hableix hung bi moq”, ndawde miz ndangdaenj, lij miz daehsaw moq nem vanzgi dem, gyoengq nyez de bouxboux naj riu sim angq. Gij doenghyiengh neix youz Laizbinh Si Aisinh Ciyencez Hezvei、Ginhsiu Yauzcuz Swciyen Gvanhgunghveij soengq hawj.

(Ginhsiu Cau Binhningz)

●Geij ngoenz gonq, Bingzgoj Yen miz 1639 boux hagseng Yauzcuz ndaej cienzngaenz bang- bouj gwndaenj 163.9 fanh maenz, gyoengqde dwg hagseng youq ndaw yozyau yivu gyauyuz, ndaej gij ngaenz neix le gyoengqde gvaq ndaej lai sim’onj.

(Lij Gyanghlanz)

●1 nyied 6 hauh, Lungzlinz Gak Cuz Swciyen Myauzcuz Yozsuz Yenzgiuvei cingqsik laeb- baenz. Laebbaenz aen yenzgiuvei neix le, doiq henhoh、 vatgud、hungzyangz nem swnjcienz vwnz- va Myauzcuz, damqra baenzlawz fazcanj Myauzcuz sevei ginghci, doidoengh daengx yienh Myauzcuz gak hangh saehnieb miz cozyung gig hung.

(Dauz Dwzgvangh)

●Bi’gvaq, Cauhbingz Yen Senhveiz Yauzcuz Yangh aeu cungj fuengsik“gunghswh+hozcozse+gihdi+nungzhoh”neix daeuj laebguh raetndaem sifan gihdi 300 moux, dazyinx nungz- minz youq seizdoengz dajndaem raetndaem, hawj nungzminz laisou, lij hawj dangdieg 200 boux vunz miz hong guh.

(Liuz Feih)