Daj bineix yenzdan hainduj, Liujcouh Si Minzcuz Swvu Veij- yenzvei Vangjcan aen lanzmuz“caeuq gou hag gangj vah saujsu minzcuz”cingqsik haidoeng nem ndaej yungh. Aen lanzmuz neix dwg aen lanzmuz singyaem vahgangj, ndawde coq 500 aen sawloih bingzciengz yungh nem 100 coenz vah, faenbied doiqwngq Vahgun (Bunjdunghva)、Vahcuengh Liuj- gyangh、Vah Dungcuz Sanhgyangh、Vah Myauzcuz Yungzsuij, hawj vunzlai youq gwnz vangj hag nem yungh vah saujsu minzcuz. Liujcouh Si Minzveij、 Minzyijveij lij dawz gij singyaem gvendaengz“caeuq gou hag vah saujsu minzcuz”gyagoeng baenz deb yaemsiengq hawj vunz hagsib, hawj giz gingjdenj minzcuz lijyouz、mbanj minzcuz、yienhciengz guh hozdung cietgingq minzcuz yungh, doidoengh aen yienh neix gya’gvangq giz yungh vah saw minzcuz, hawj dieg minzcuz doenghboux ganbu ginzcung doxhag vah saw, coicaenh minzcuz doxgiet. (Lij Yinzciz/李云驰)