Bonjbauq siusik(gicej Suh Gyahgvai) Coux hek gingq laeuj、roq gyong ciep fuk、gimzmbwn byaujyenj、ciengj aendomq、gaeq doxdoj daengj minzcuz funghcingz hanghmoeg, 2014 nienz 12 nyied 31 hauh youq Gvangjsih Minzcuz Bozvuzgvanj gawjhengz.

Ngoenzde, Cinghsiu Gih suhfaz doxdax、Cinghsiu Gih ginghci vwnzva lijyouz minzcuz cwngzgoj canjlanj、Cinghsiu Gih dujdwzcanj baijgai、minzcuz vwnzva haeuj ndaw laeuz、baijyienj minzcuz funghcingz daengj lijyouzcez cawjdaez hozdung gonqlaeng gawjhengz. Youq gaihmusi gwnzde, minzcuz funghcingz cinghbinj cezmuz youh lai youh ndei ngonz, hekyouz mboujdanh ndaej yawj 《Lungz Foux Cinghsiu》、lij ndaej yawj《Va Ndei Ndwen Luenz》、Gozyoz Ginghdenj Ngondoeg、foux minzcuz 《Fwen Laeuj》daengj heiqndei lienzlienz.

Cinghsiu Gih cizgiz han’wngq dangjcungh- yangh aen cijsi cingsaenz“gensez vwnzva lijyouz cinghbinj”、“cauxmoq vwnzva lijyouz canjbinj”, itcig yawjnaek caepcauh vwnzva daegsaek maenhndei, cizgiz caepguh “Nanzningz Vwnzva Lijyouz Cungsim”, daezswng neihanz binjciz, gyagiengz yenjsizliz gensez, doedok gihvei youhsi、yinzvwnz daegsaek, yinxlingx hawsingz vwnzmingz hingzsiengq.

Cinghsiu Gih dwg Nanzningz Si cungsim singzgih caeuq ginghci hwzsinhgih, hix dwg ndaw Gvangjsih gizdieg lijyouz diegcomzsanq youqgaenj ndeu, dwg aen conghcueng Gvangjsih gak dieg baijyienj vwnzva、lijyouz, Cinghsiusanh fungh- gingjgih yaek daezswng baenz guekgya 5A gaep lijyouz gingjgih、Gvangjsih Minzcuz Bozvuzgvanj、Gvangjsih Gohgi’gvanj、Minzgohhuz Gingjgih daengj lai aen 4A gaep gingjgih cungj comz youq gizneix.

Gaiq vwnzva lijyouzcez neix daj gaihmusi ngoenzde laebdaeb gawjbanh daengz 2015 nienz 2 nyied 15 hauh (bungz singhgizroek、ngoenz- singhgiz hai yienj), gungh song ndwen buenq seizgan, ndawde dingzlai hozdung cungj dwg youq Gvangjsih Minzcuz Bozvuzgvanj Minzcuz Cunh daeuj gawjbanh.