Bonjbauq siusik (gicej Veiz Yen- naz/韦愿娜) 12 nyied 23 hauh, Gvangjsih Gaiq Daih’it Cungh Siujyoz Minzcuz Doxgiet Cihsiz Doxdax youq Nanzningz gawjhengz. Baez minzcuz doxgiet cihsiz doxdax neix, dwg ginggvaq 9 nyied 1 hauh hwnj youq vangjloz doxdax caeuq youq 12 nyied 22 hauh youq Nanzningz yienhciengz sienbeij, doeklaeng, Liujcouh Si、Laizbinh Si、Hocouh Si、Fangz- cwngzgangj Si、 Gveigangj Si caeuq Gihciz Cunghciz daengj 6 aen daibyaujdui ndaej haeuj gezsai. Ginggvaq haenqhwd doxdax, Hocouh Si daibyauj- dui aeundaej daih’it mingz, Fangzcwngz- gangj Si daibyaujdui、Gveigangj Si daibyaujdui baenbied aeundaej daih- ngeih daihsam mingz.

Baez minzcuz doxgiet cihsiz doxdax neix, dwg Swcigih Gyauyuzdingh、Swcigih Minzveij cawjbanh, Gvangjsih Gyauyuz Cazcise、Gvangjsih Densidaiz bangbanh, aeu “Mbanjcuengh huzndei, doxgiet cinbu” guh cawjdaez. Doenggvaq guh doxdax hozdung, sawj gyoengq hagseng doiq minzcuz cihsiz、minzcuz vwnzva、minzcuz cwngcwz、minzcuz lijlun daengj liujgaij ndaej engqgya lai, engqgya laeg, caenh’itbouh gyagiengz minzcuz doxgiet yisiz, coicaenh gih raeuz minzcuz doxgiet sifangih gensez.