Seizdoeng yawhfuengz hezyaz sang, daegbied aeu haeujsim singjgaeh dwg vaen- doh doxca bienqvaq hung lai. Lumj mwh dajcaemx seiz, gaej daj ndaw rug raeujrub okdaeuj doq sikhaek con haeuj ndaw ranzdajcaemx bae, wngdang sien hai raemx- raeuj、raemxfwi ndaw ranz- dajcaemx hawj vaendoh swng sang caiq duet buh dajcaemx. Linghvaih, ok rog bae cet seiz, rumznit yungzheih yinx- hwnj daengx ndang sailwed supsuk, hezyaz swng sang, ndigah, ok rog bae cet seiz wngdang dawz gaenheux- hoz, daiq goujcau daengj, cw ndei fajnaj, haeujsim bauj- raeuj.

Ngoenznaengz swnghhoz gaej lanh gwn lanh ndoet, gamhanh ndangnaek, cawj byaek yiemzgek gamhanh dwk gyu cit di. Boux mak mbouj miz bingh ndaej lai gwn di gij byaekheu caeuq lwgmak naengz baiz gyu ndaw ndang okdaeuj he.

Haetnaengz caengz gwn ngaizromh gaxgonq youq ndaw rug sien dag hezyaz, danghnaeuz song aen singhgiz hezyaz bingzginhciz cungj youq 135/85 doxhwnj, wng- dang caeux bae yihyen duenq yw gamhanh hezyaz. Youq ndaw seizdoeng, gag guh ndei gamhanh hezyaz caeuq fuengz hezyaz swng sang baujcwng ndangdaej gengangh cibfaen youqgaenj.