●11 nyied 13 daengz 26 hauh, Guekgya Minzveij youq Cunghyangh Minzcuz Yozyen gawjbanh daihhaj geiz fuzbinz gunghgenh naengzlig gensez beizyinbanh, Dwzbauj Yen baij 20 boux saujsu minzcuz gohgiz ganbu bae camgya. Doenggvaq beizyin hagsib, gyoengqde lai miz saenqsim youq dieg saujsu minzcuz guh ginghci gensez.

(Nungz Yungjfang)

●Bineix, Fuconh Yauz- cuz Swciyen haenqrengz saedhengz niemh namh dwk- bwnh, mbaetyungh bonjcienz、hawj namh lai mboeng、henhoh vanzging、gyalai nungzminz souhaeuj. Dangq- naj, daengx yienh 148 aen cunh(mbanj)、75 fanh moux dieg niemh namh dwkbwnh, saedyienh“ciuq aeu gwn ngaiz”.

(Cinz Gihungz)

●Bineix, Liujcwngz Yen roengzrengz fazcanj byaekgwn canjyez, coicaenh nungzminz laisou. Bineix, aen yienh neix ndaem byaekgwn 10 fanh moux, cungjcanjlieng 9 fanh dun, raetgwn cungjcanjlieng guj miz 6 fanh dun.

(Dwng Gwzyiz)

●Dangqnaj, Lozcwngz Mulaujcuz Swciyen gij giyez doenggvaq minzcuz mouyi giyez swhgwz nyinhdingh de daj 2010 nienz 8 aen fazcanj daengz dangqnaj 31 aen, guj bineix daengx bi ndaej boujdiep cienz leihsik 1400 fanh maenz doxhwnj.

(Mungz Cwnghswh)

●Bineix, Dendwngj Yen nyinhcaen guh ndei hong boujdiep nungzminz ndaem haeux caeuq hong soucawx haeux dingh’aeu nem haeux bwh ce. Dangqnaj, aen yienh neix gaenq soucawx 4500 dun haeuxciemcaeux, bouj- diep 108 fanh maenz hawj doenghboux gai haeux de.

(Vangz Lilanz)