11 nyied 17 hauh, Lungzswng Gak Cuz Swciyen Lungzswng Cin Siujyoz, gyoengq hagseng cingq nyaengq hag dinfwngz fouxlungz fouxsaeceij. Geij bi neix daeuj, aen yienh neix mboujduenh vatgud minzcuz conzdungj dijyuz hanghmoeg, dawz fouxlungz、 fouxsaeceij、 dwk lwggyangq daengj gij hanghmoeg vunzlai maij yawj neix yinx haeuj ndaw hagdangz cungh siujyoz bae, lij cingj gyoengq bouxheiq ndawbiengz dangdieg daeuj son gak cungj dinfwngz, gyoengq hagseng hag gij dinfwngz neix le, mboujdanh ndangdaej ndaej lienh cangq lienh maengh, lij ndaej swnj cienz minzcuz vwnzva.

(Veiz Gizyangz /韦吉阳)