(ciep geizgonq)
43
Duzlingz lij gyaez lwg 猴子还爱仔
Miz byawz lwg mbouj gyaez 有谁不爱孩
Gou mbouj meiz maz Youj 忧呀我不坏
Guhmaiq gou hix souj 守寡我忍耐
Caenh muengh sou baenzndei 盼你们幸福
Gou gwnvei hix nyienh 吃亏我愿挨
Buet gwnz youh dawz laj 跑上又跑下
Yienghyiengh ra ma sou 样样找回来
Lij naeuz gou mbouj dwg 还讲我不该
Duzlingz lij gyaez lwg 猴子还爱仔
Miz byawz lwg mbouj gyaez 有谁不爱孩
Gou mbouj meiz (miz) maz Youj 忧呀我不坏
Vih gyaranz sou ca 为你家底差
Gwn raemxda guh donq 把泪当饭菜
Daj saeq guenj doengzsou 从小照管你
Guhmaiq gou hix souj 守寡我忍耐
Caenh muengh sou baenzndei 盼你们幸福
Gou gwnvei hix nyienh 吃亏我愿挨
44
Gou gwn haemz gwn hoj 我吃苦吃辣
Bae gwngoq ciengx sou 打工养你俩
Laihnaeuz sou gag maj 以为自己大
Gou guh vaiz guh max 我当牛做马
Vih lwggyax baenzndei 为孤儿幸福
Byawz bae ngeix ngoenzneix 谁料今改嫁
Gou dwg ndei rox yak 我是好是坏
Sou gag dag simdaeuz 自扪心头吧
Ndaw mbanj raeuz hix rox 村人都知道
Gou gwn haemz gwn hoj 我吃苦吃辣
Bae gwngoq ciengx sou 打工养你俩
Laihnaeuz sou gag maj 以为自己大
Bouxvunz youq lajmbwn 人活在世上
Gangj liengzsim cij ndaej 凭良心安家
Vih ciengx ndaej sou maj 为养好你们
Gou guh vaiz guh max 我当牛做马
Vih lwggyax baenzndei 为孤儿幸福
Byawz bae ngeix ngoenzneix 谁料今改嫁
45
Mwngz baenz di gyaeujdot 你有点头疼
Gou doek bat raemxda 我泪落成盆
Cimh yw ma gouq mingh 找药救命根
Ciengx hung vah mbouj dingq 长大不听从
Fanj dingjgingq dwk gou反硬顶着我
Dag simdaeuz sou yawj 摸心头自问
Mwngz bingh ninz mbouj hwnq 你病睡不起
Gou sim goenj baenz feiz 我心急如焚
Leix gyaez gvaq lwgdog 胜过爱独苗
Mwngz baenz di gyaeujdot 你有点头疼
Gou doek bat raemxda 我泪落成盆
Cimh yw ma gouq mingh 找药救命根
Yw bingh mwngz ndei caez 把病医好后
Mwngz mbouj geiq aencingz 你就忘了恩
Aen simlingz mbouj cingq 你心灵不正
Ciengx hung vah mbouj dingq 长大不听从
Fanj dingjgingq dwk gou 反硬顶着我
Dag simdaeuz sou yawj 摸心头自问
46
Sou naeuz mehlaeng doeg 你讲娘毒狠
Mbouj miz goek miz gaen 没据又没根
Muenz liengzsim gangjvah 讲话昧良心
Guhhoiq ciengx lwggyax 打工养你们
Dwg gyaj rox dwg caen 是假还是真
Sou aensim mingzbeg 自摸心头问
Daeuj rungx lwg bazgonq 来管前妻仔
Gungh guenj cib lai bi 供养十多春
Mbouj miz saek di loek 没有错一分
Sou naeuz mehlaeng doeg 你讲娘毒狠
Mbouj miz goek miz gaen 没据又没根
Muenz liengzsim gangjvah 讲话昧良心
Cib yiengh mbouj miz yiengh 家里贫如洗
Gou vih ciengx lwglinz 为养你二人
Ngoenz cix mbin baenz mbaj 像蝴蝶纷飞
Guhhoiq ciengx lwggyax 打工养你们
Dwg gyaj rox dwg caen 是假还是真
Sou aensim mingzbeg 自摸心头问
47
Yamqdin ok dounaj 前门迈步跨
Daengq coenz vah Dahyouj 嘱达忧句话
Gyaranz youz mwngz guenj 由你来管家
Gag vunz youq gag mbiengj 各自在天涯
Mbouj hoj siengj liux Youj 不用互挂念
Ciuh neix raeuz nanz fungz 后辈难相搭
Dahyouj lai rox gangj 达忧多会说
Naeuz mehlaeng mbouj ndei 讲后娘坏话
Caenh meh bae lingh haq 逼妈再嫁人
Yamqdin ok dounaj 前门迈步跨
Daengq coenz vah Dahyouj 嘱达忧句话
Gyaranz youz mwngz guenj 由你来管家
Mwngz caenh meh bae haq 你逼妈出嫁
Caiq lingh ra hix nanz 再找也难啊
Ngoenz fanz mwngz cix muengh 有烦事念妈
Gag vunz youq gag mbiengj 各自在天涯
Mbouj hoj siengj liux Youj 不用互挂念
Ciuh neix raeuz nanz fungz 后辈难相搭
48
Daengq sim sauj ranzlinz 嘱邻家妯娌
Gou yamqdin baenaj 我迈步出去
Dak coenzvah hawj sou 托句话给你
Dahyouj dwg lwgdaeuz 达忧是长女
Noix yienghlawz mbouj ndaej 不肯少哪样
Sou cix bang gou gyauq 请帮我教育
Minghcouj mbouj lumj vunz 命衰不如人
Dauq yamqdin bae haq 再另嫁夫婿
Mbouj miznaj doiq vunz 对人没脸皮
Daengq sim sauj ranzlinz 嘱邻家妯娌
Gou yamqdin baenaj 我迈步出去
Dak coenzvah hawj sou 托句话给你
Langh gou mingh goj ndei 倘若我命好
Miz saek laeq lwglinz 有一个小弟
Ndaej buenxfwngz gvaqgyaeuj 相伴过后辈
Dahyouj dwg lwgdaeuz 达忧是长女
Noix yienghlawz mbouj ndaej 不肯少哪样
Sou cix bang gou gyauq 请帮我教育
49
Gou yamqdin baenaj 我出门离去
Geiq coenzvah dauqlaeng 有句话托寄
Hawj Vunzmungz simjsauj 给云蒙妯娌
Ngoenz lawz sou baedauq 何日你来去
Cingj sou laux haeujranz 请进入我家
Souh saw dang hix ndaej 有热粥待你
Gamz raemxda okdou 含眼泪出门
Gou lwnh sou beixnuengx 告诉众兄弟
Ndawsim luenh baenzmaz 心里乱如麻
Gou yamqdin baenaj 我出门离去
Geiq coenzvah dauqlaeng 有句话托寄
Hawj Vunzmungz simjsauj 给云蒙妯娌
Max caij hoz mbouj mbup 踩马颈不碎
Sim mbouj fug saek dei (di) 一点不服气
Gou okbae lu sauj 我去了妯娌
Ngoenz lawz sou baedauq 何日你来去
Cingj sou laux haeujranz 请进入我家
Souh saw dang hix ndaej 有热粥待你
50
Gangj daengz doengh coenz neix 讲到这句止
Sou rox leix cix ndei 最好能懂理
Gag mizseiz roxyiuj 自有知晓时
Dahyouj caeuq Daegyiuh 达忧特耀弟
Muengh sou ciuh baenzndei 盼你有福分
Gou gwnvei cix liux 亏我也愿意
Mehlaeng ndei rox yak 后娘好或坏
Sou gag dag simdaeuz 你们心知悉
Daihcaez naeuz cij ndaej 大伙认才是
Gangj daengz doengh coenz neix 讲到这句止
Sou rox leix cix ndei 最好能懂理
Gag mizseiz roxyiuj 自有知晓时
Lwgbiek lwnz guh meh 芋头轮作母
Vunz geq cix vuenh ndang 人老换身体
Daengz sou dang cix yiuj 你当家才懂
Dahyouj caeuq Daegyiuh 达忧特耀弟
Muengh sou ciuh baenzndei 盼你有福分
Gou gwnvei cix liux 亏我也愿意
(sat)
缩小
默认
