●10 nyied 29 daengz 30 hauh, aen hoih daengx guek hong vah saw minzcuz youq Gveicouh Swngj Genzdunghnanz Myauzcuz Dungcuz Swcicouh Leizsanh Yen hai. Baez hoih neix nyinhcaen gvancez gij cingsaenz gvendaengz aen hoih cunghyangh guh hong minzcuz, doxyaeng nem anbaiz duenh laeng hong vah saw minzcuz, caemhcaiq guh yienhciengz diuyenz nem doxgyau hozdung.

（Gyaz Yicinh）

●11 nyied 16 hauh, Loz- cwngz Mulaujcuz Swciyen ging- gvaq Vaizbauj daengz Yungzsuij Dungdouz goengloh hanghmoeg cingqsik haidaeuz guh. Aen goengloh gunghcwngz hangh- moeg neix gungh roengzngaenz 4.99 ik maenz, raez 59.738 goengleix, dajsuenq guh 2 bi, dangqnaj, ngaenz daengz dieg caez lo.

(Liu Gvanghfuz)

●11 nyied 15 hauh, Dasinh Yen gawjbanh hozdung comz bouxcoz ndangdog dox- gyau, ndawde bau aendomq daengj hozdung gig mizyinx, neix dazyinx 100 lai bouxcoz ndangdog daj Gvangjdungh、Ginhcouh daengj daeuj camgya.

(Cinz Civanj)

●11 nyied 12 hauh, Swhyenz Yen Cehdenz Myauz- cuz Yangh dauqcawq vunz riu vunz angq、go ndei dingq foux ndei yawj, 3000 lai boux ganbu nem ginzcung daj dangdieg nem yanghcin doxgyawj doxcomz giz ndeu, aeu go foux minzcuz daeuj angqhoh laeb yangh 30 hopbi.

(Couh Vwnzcin)

●11 nyied 13 hauh, Ginhsiu Yauzcuz Swciyen Dacangh Yangh gawjhengz 2014 nienz Cunghgoz Gungh- ginh gyaezcoengh lwgmbwk“lanzdenh (mbwnheu) cinhleiz (vaseizcin) giva”cienzbanghag fathawj yizsi, fat cienzbanghag hawj 9 boux hagseng ranz gungzhoj, moix boux ndaej 400 maenz.

(Cau Binhningz)