Yungzsuij Myauzcuz Swciyen Gunjbei Dungcuz Yangh Gizyangz Cunh Mbanj Gyanghbenh Myauzcuz yiyinz ndawbiengz Veiz Yinbungz, lij iq couh haengjgyaez sij suhfaz caeuq deugaek, laemxsim yenzgiu gaek faexcuk gisuz, gij cozbinj deugaek de gaenq yinxhwnj gih densidaiz caeuq Yanghsi dawz haeuj sim.

1986 nienz camgya Swconh “Ngozmeiz Beih”daengx guek suhfaz ndaej ciengj gvaq. Gij suhfaz deugaek faexcuk miz lai fuk cozbinj youq daengx guek、ndaw gih、ndaw si、ndaw yienhgaep ganhvuz fazbyauj gvaq.

2006 nienz, de gag comz ngaenz hwnjguh aen laeuz sam caengz Myauzcuz ndeu, dawz swhgeij lai bi cangjcoz 400 gienh deugaek faexcuk cozbinj baij okdaeuj hawj gyoengq vunzmbanj、hekyouz mienxfeiq ndomqyawj. Bi haenx, de deng bingz guh Yungzsuij Myauzcuz Swciyen Gaiq Daih’it “Cib Boux Yiyinz Maenhndei Ndawbiengz”.

(Liu Swjyenh/廖子渊 ingj)