10 nyied 18 hauh, ciengz heiq hung Bouxcuengh 《Buhbwnroeg》youq Yizcouh Si Gveigiyen yienj, hawj Gvangjsih Gaiq Daihhaj Ciet Liuz Sanhcej Vwnzva Lijyouz dem gyaeu dem hoengh.

Heiqcuengh 《Buhbwnroeg》dwg aeu aen gojgaeqfangz cienzgangj Bouxcuengh haenx gaijbien baenz. Gojgaeq gangj le bouxcoz Bouxcuengh Gujgaj caeuq Yihlij comz rengz bak duz roeg, dwkhingz bouxguhyak, sawj ndawbiengz dauqfuk raemx saw bya loeg. Doenggvaq danqhaenh gij cingsaenz maenh’ak、mbouj lau vutmingh、haengj okrengz neix, biujyienh Bouxcuengh gouzra、sinjmeij yisiz caeuq gij gyaciz gvanhnen cungzgauh haenx.

Yizcouh dwg mbanjranz boux canghfwen Liuz Sanhcej, Bouxcuengh vwnzva lai cungj lai yiengh haenx youq gizde ndaej vatgud、swnjcienz 、baujhoh caeuq fazcanj gig ndei. Aen heiq neix dawz yendai riuzhengz yinhyoz hingzsi caeuq ciuhgeq yinhyoz yenzsu Bouxcuengj giethab hwnjdaeuj, dawz gij gyaez younemnem haenx caeuq gij gyaez minzcuz yienj ndaej caenlili, ngaeungoeg sim vunz, sawj vunzlai gamjsouh daengz conzdungj minzcuz vwnzva caeuq yendai yisuz yungzhab youq itheij, biujdap le gij ndatcingz caeuq saenqsim lwgminz Bouxcuengh gamj gouzra swnghhoz ndei、gensez mbanjranz gyaeundei haenx.

(Bwz Lu Maj Ging)