Bineix, Sihlinz Yen dawz《Minzcuz Gihyiz Swcifaz》fatbouh saedhengz 30 hopbi guh gihvei, aeu cib aen cosih, bangcoengh guh ndwen senhconz《Minzcuz Gihyiz Swcifaz》, bauj aen hozdung neix guh ndaej swnhleih, caemhcaiq aeundaej sevei yaugoj ndei. Cib aen cosih couhdwg：Cujciz ciuhai aen hoih comz doenghboux daibyauj gak minzcuz hai codanzvei; doengjit guh buek baizgvangjgau senhconz hung coq rog ranz; doengjit venj buek fukvang byauhyij; doengjit yaenq geiz banjbau cienmonz ndeu; doengjit bien fat gunghyiz donjsin; cujciz ciengz yienjgangj doxdax aeu“cingz minzcuz·siengjmuengh Cungguek”guh cawjdaez ndeu; gawjbanh baez senhconz gyauyuz ndeu; gaihcanj baez vwnzyi yienjok ndeu; gaihcanj baez minzsuz vwnzva hozdung ndeu; guh baez hozdung vih vunzlai banhsaeh ndeu.

Ciuq cam rox, bineix dwg《Minzcuz Gihyiz Swcifaz》fatbouh saedhengz 30 hopbi. Swcigih Minzveij gietdingh daj 9 daengz 10 nyied youq daengx gih gaihcanj aen hozdung guh ndwen senhconz《Minzcuz Gihyiz Swcifaz》, baez hozdung neix aeu “minzcuz doxgiet·mbanjranz gyaeundei”guh cawjdaez.

(Loz Cinhmingz/罗贞明 Goh Ciuhyenz/郭秋妍)