●9 nyied 26 hauh laj- byonghngoenz, Nanzningz Si Cinghsiu Gih Cangzdangz Cin Cungsim Siujyoz gawjbanh gangj goj Vahcuengh doxdax. Ndaw yozyau gungh miz 18 boux hagseng camgya doxdax. Ginggvaq haenqrengz doxbeij, haj nienzgaep Veiz Singyiz ndaej itdaengjciengj; Lij Sanh- sanh daengj 5 boux ndaej ngeihdaengjciengj; Lij Sihyiz daengj 12 boux ndaej sam- daengjciengj.

(Luz Genhing)

●Bineix duenh gozging cuengqgyaj, Yungzanh Yen sojmiz gingjdenj gungh ciep hekyouz 93953 vunzbaez, doengzbeij gyalai 39%; saed- yienh lijyouz souhaeuj 25349791 maenz, doengzbeij gyalai 28 %.

(Veiz Cujswz Vangz Yingsez)

●Duenh gonq, Ningz- mingz Yen Minzcuzgiz daengz daengx yienh 13 aen yangh(cin) bae caz gauhsanh nem cuhsanh nienzgaep doenghboux hagseng maenhndei saujsu minzcuz ranz gig gungzhoj de, vih aen yienh neix guh ndei hong aeu gij cienzngaenz minzveij baihgwnz bangcoengh doenghboux hag- seng neix haeujhag 27000 maenz.

(Suh Fungvah Sinh Gyahbingz)

●Ciuq gyoebsuenq, duenh gozging cuengqgyaj, Cauhbingz Yen gungh ciep hekyouz 14.92 fanh vunzbaez, doengz- beij gyalai 15.5%, lijyouz cungjsouhaeuj 5356.1 fanh maenz, doengzbeij gyalai 23%.

(Liuz Feih Loz Ciyungj)

●Dangqnaj, Duh’anh Yauzcuz Swciyen Minzcuzgiz gaenq fat sat le gij cienzngaenz bineix bangbouj hagseng saujsu minzcuz maenhndei ranz gig gungzhoj de, gungh fat 4.5 fanh maenz, ndawde gauhcungh- swngh 12 boux, moix boux 1000 maenz; dayozswngh 11 boux, moix boux 3000 maenz.

(Lanz Veingoz Veiz Ganliuz)