Duenh neix, bouh heiq moegyou yinhyoz《Bouxnyez Fandingqdaeuj》cingq youq Nanzningz Ginjyen Giyen lienzdaemh yienjok. Duenh neix cingq dwg Daih 45 Gaiq Dijcauh Siginjsai youq Nanzningz gawjhengz, bouh heiq neix hix lumj hai aen cueng ndeu hawj vunz lajmbwn rox gij vwnzva dijcauh Gvangjsih de.

《Bouxnyez Fandingqdaeuj》aeu bouxmizmingz Bouxcuengh、“boux vuengz dijcauh”Lij Ningz dangguh bouxgoekgaen, gangj aen goj Ningzcaij (bouxnyez coh dwg Ningz) baengh gij“cingsaenz Bouxcuengh”“mbouj fug saw、byaij bae naj”de, youz “bouxnyez fandingqdaeuj”maj baenz bouxyinghyungz diemj feizswnghoj auyinvei.

“Cingsaenz Bouxcuengh”ciengx- ung le boux lienh dijcauh, hix hwnghoengh le gij saehnieb dijyuz Mbanjcuengh. Youq aen Yinzconh Yayinvei ngamq sat de, Gvangjsih dahsau Bouxcuengh Veiz Yungjli youq mehmbwk bak mij doxdax ndawde ndaej daih’it. Daj 2009 nienz daeuj, Gvangjsih laebdaeb moix bi gawjbanh ciet dijyuzcez, moix bi cujciz cien lai ciengz gihcwngz dijyuz hozdung, miz 50 fanh vunz cigsoh camgya.

Gek ndaej 15 bi le, Nanzningz ciepdwk Denhcinh, baenz Cunghgoz aen singz daihngeih swnhleih gawj- banh dijcauh siginjsai. Neix dwg Cunghgoz dieg minzcuz daih’it baez banh gozcising dijcauh doxdax. Youq gwnz ciengz doxdax,“duj va dijcauh”Mbanjcuengh ndaej hai ndei, “duj va dijyuz”Gvangjsih hix haihoengh.

(Liuz Gunh/刘昆 Cangh Linzdauh/张林涛)