Maenzcienz ndaej bouj mamx ciengx dungx, bangcoh siuvaq, dwg gijgwn ndei gyoengqvunz ciengx ndang haenx. Maenzcienz cujyau cwngzfwn dwg denfwnjmeiz, ndaej gig aendungx caeuq conghsaej yindung, baiz gijgwn ndaw saej okdaeuj caez, coi saejlwg supsou, boux ndang byom rengz naiq、gwn noix、haexsiq ceiq hab gwn.

Gwn maenzcienz ndaej hawj hezyaz caeuq dangz doekdaemq, fuengzceih sim sailwed baenzbingh.

Maenzcienz ndaej daez- sang rengz dingj bingh, caemh ndaej dingj nyieglaux.

Maenzcienz feih diemz singq bingz, mbouj nit mbouj ndat, gawq ndaej bouj heiq, youh ndaej ciengx yaem.

Yozlij yenzgiu daih neix byaujmingz, ndaw maenzcienz hamz miz danbwzciz (baugvat ndang vunz aeu miz 16 cungj anhgihsonh)、dangz、veiz- swnghsu daengj mizyauq cwngzfwn, ndaej hawj vunz doiceiz nyieglaux, hawj vunz lai souhgyaeu. Ciengzseiz gwn maenzcienz, doiq gengangh daih miz ndeicawq.