Lingzyinz Yen minzcuz conzdungj vwnzva lai cungj lai yiengh, lumj dajsiuq、guh mauhbya’gim、haizmeuz daengj, hoeng, gij ndawbiengz conzdungj soujgunghyi neix gyoengq bouxcoz gaenq rox gig noix lo. Vihliux fazcanj bonjdieg vwnzva, vatgud bonjdieg gunghyi daegsaek, beizyangj boux vunzcaiz daeuj cienzswnj conzdungj soujgunghyi, youq Yanghgangj segih baengzyoux bangcoengh baihlaj, Sinhsouj Gyahyenz youq yienh cizyez yozyau ban youswh guh hag conzdungj soujgunghyi hozdung, cingj bouxlaux rox dinfwngz daeuj hagdangz son hagseng, moix aen singhgiz son song dangz goq, gyoengq hagseng haengj hag, hag ndaej vaiq, seizneix haujlai hagseng cungj hag rox guh mauhbya’gim lo.

(Lij Caijlanz)