(ciep geizgonq)
66
Sinhngeiz gwndaenj cuk 顺儿衣食足，
Nyinhcaen doeg sawfaenz 认真读书经；
Vuengzdaeq hai gauj daengz 皇帝开考时，
De miz mingz gwnz buengj 他榜上有名。
Sinhngeiz ceiq yienzhauq 顺儿最贤孝，
Gingq bohlaux aeu fuk 敬老要福星；
Sinhngeiz gwndaenj cuk 顺儿衣食足，
Nyinhcaen doeg sawfaenz 认真读书经。
Sinhngeiz deng muznanh 顺儿被磨难，
Deuz daengz mbanj dieglungz 逃到龙地形；
Vuengzdaeq hai gauj daengz 皇帝开考时，
De miz mingz gwnz buengj 他榜上有名。
67
De doiq bohmeh yienz 他孝敬父母，
Miz duzsien daeuj bauj 有神仙来保；
Hai gauj de bae gauj 开考他赴考，
Ndaej daenj mauh canghyienz 得戴状元帽。
Sinhngeiz vunz cingqcig 顺儿很正直，
De itcig hengz sienh 一值都行好；
De doiq bohmeh yienz 他孝敬父母，
Miz duzsien daeuj bauj 有神仙来保。
Sinhngeiz de bouxvunz 顺儿这个人，
Coengmingz youh baenzmbauq 聪明好相貌；
Hai gauj de bae gauj 开考他赴考，
Ndaej daenj mauh canghyienz 得戴状元帽。
68
Mbwn seng cix mbwn guenj 天生有天管，
Yinh cienj dauq baenz vunz 运转再成人；
De gauj ndaej goengmingz 他考得功名，
Hwnj ciuzdingz gaem yaenq 上朝庭掌印。
Sinhngeiz miz dienyinh 顺儿有天运，
Ndaej gaem yaenq dangguen 掌印当大臣；
Mbwn seng cix mbwn guenj 天生有天管，
Yinh cienj dauq baenz vunz 运转再成人。
Mbwn seng cix mbwn ciengx 天生由天养，
Sinhngeiz yiengh baenz vunz 顺儿得成人；
De gauj ndaej goengmingz 他考得功名，
Hwnj ciuzdingz gaem yaenq 上朝庭掌印。
69
Sinhngeiz ndaej hwnj ging 顺儿得上京，
Vunzvunz sim vuenheij 大家都欢呼；
Dan Buzyiengz baz neix 只是这杨婆，
Sim leix (lij) doeg gvaq langz 心比狼还毒。
Sinhngeiz sim yienzhauq 顺儿心贤孝，
Daengz laux cix okmingz 到老名才出；
Sinhngeiz ndaej hwnj ging 顺儿得上京，
Vunzvunz sim vuenheij 大家都欢呼。
Sinhngeiz ndaej dangguen 顺儿得当官，
Raeuz simvuen fouzbeij 咱欢心恭祝；
Dan Buzyiengz baz neix 只是这杨婆，
Sim leix (lij) doeg gvaq langz 心比狼还毒。
70
Sinhngeiz hengz hauqsim 顺儿行孝心，
Daj gingsingz ma cunz 从京回家访；
Buzyiengz hengz doegsim 杨婆行毒心，
Aeu bingz cang ywdoeg 毒药瓶里装。
Sinhngeiz bae dangsaeh 顺儿去做事，
Vanzlij geiq song caen 双亲记心上；
Sinhngeiz hengz hauqsim 顺儿行孝心，
Daj gingsingz ma cunz 从京回家访。
Sinhngeiz hengz hauqdauh 顺儿行孝道，
Ma hoizbauq song caen 回报爹和娘；
Buzyiengz hengz doegsim 杨婆行毒心，
Aeu bingz cang ywdoeg 毒药瓶里装。
71
Buzyiengz sim mbouj gaij 杨婆心不改，
Leix yaek haih Sinhngeiz 还害顺儿哥；
Baz neix sim mbouj ndei 这婆心不好，
Caen seih (dwg) miz coih’ak 真是有罪恶。
Aeu ywdoeg guh caz 用毒药当茶，
Baz cix ra bae raix 要倒给他喝；
Buzyiengz sim mbouj gaij 杨婆心不改，
Lij yaek haih Sinhngeiz 还害顺儿哥 。
Guenqcaz youq gwnz cauq 茶罐在罩上，
Ywdoeg dauj roengzbae 倒毒药混合；
Baz neix sim mbouj ndei 这婆心不好，
Caen seih (dwg) miz coih’ak 真是有罪恶。
72
Buzyiengz doeg raixcaix 杨婆非常毒，
Caenh siengj haih Sinhngeiz 专把顺儿害；
Baz neix sim mbouj ndei 这婆心不好，
Byaj lienzseiz couh bag 被雷公劈开。
Ywdoeg dwk roengz laeuj 毒药放下酒，
Siengj dawz daeuj ciudaih 想用来招待；
Buzyiengz doeg raixcaix 杨婆非常毒，
Caenh siengj haih Sinhngeiz 专把顺儿害。
Sienh cix miz sienh bauq 善就有善报，
Sinhngeiz dauq baenzndei 顺儿倒成才；
Buzyiengz sim mbouj ndei 杨婆心不好，
Byaj lienzseiz couh bag 被雷公劈开。
73
Yak cix miz yak bauq 恶就有恶报，
Ceizcaeux dauq mbouj doengz 迟早不一样；
Daengq lajbiengz vunzgyoengq 嘱咐天下人，
Gaej loenglawq diuz neix 这条不能忘。
Bouxlawz hengz simndei 哪个行好心，
Fukloeg meiz (miz) daengz laux 福禄一辈享；
Yak cix miz yak bauq 恶就有恶报，
Ceizcaeux dauq mbouj doengz 迟早不一样。
Bouxlawz sim doeg lai 哪个心太毒，
Byaj bag dai gyang roen 雷劈死路上；
Daengq lajbiengz vunzgyoengq 嘱咐天下人，
Gaej loenglawq diuz neix 这条不能忘。
74
Guh hozsoh simndei 做正直好心，
Gangj dauhleix cij baenz 好好讲道理；
Bouxlawz luenh haih vunz 哪个乱害人，
Byaj gwnzmbwn cix bag 天上雷公劈。
Bouxvunz youq lajmbwn 做人在世上，
Aeu gwn di nyihheiq 定要讲义气；
Guh hozsoh simndei 做正直好心，
Gangj dauhleix cij baenz 好好讲道理。
Gou lwnh raeuz gak veih (vih) 我告诉各位，
Gangj dienleix liengzsim 讲良心天理；
Bouxlawz luenh haih vunz 哪个乱害人，
Byaj gwnzmbwn cix bag 天上雷公劈。
75
Bouxvunz youq lajmbwn 人活在世间，
Gangj liengzsim cij ndaej 讲良心至上；
Sinhngeiz gij gojsaeh 顺儿的故事，
Louz seiqlaeng cienzyiengz 留后世传扬。
Gaej bae hag Yiengzbuz 莫要学杨婆，
Guh cauhhux doegsim 造祸毒心肠；
Bouxvunz youq lajmbwn 人活在世间，
Gangj liengzsim cij ndaej 讲良心至上。
Sinhngeiz ciuhlaux cienz 先辈传顺儿，
Camh ciengq daengz gizneix 到此暂停唱 ；
Sinhngeiz gij gojsaeh 顺儿的故事，
Louz seiqlaeng cienzyiengz 留后世传扬。
(caengz sat)
缩小
默认
