Youq Dava Yauzcuz Swciyen Daihngeih Cunghyoz, moix daengz aenlingz gogenh hozdung yiengj seiz, gyoengq hagseng couh ok gyausiz daeuj buet、dwk lanzgiuz、diuqcag、dwk binghbanghgiuz daengj gij hozdung neix, gyoengqde lij aeu lunzdaih gaeuq、gag guh daehsa daeuj guh dijyuz yinlen. Yienznaeuz diuzgen ca, hoeng, gyoengq hagseng cungj youq ndaw dijyuz langhmbin gij siengjmuengh swhgeij. Aen hagdangz neix, moix bi cungj miz 40 lai boux hagseng gauj ndaej dijyuz yenyau. Vihliux baujcingq moix ngoenz miz diemj cung ndeu hawj hagseng donlen ndangdaej, Dava Yauzcuz Swciyen dawz gogenh diemj cung ndeu bien haeuj gocwngzbyauj bae, hawj gyoengq hagseng youq donlen ndangdaej ndawde vaiqvued majhung.

(Cangh Ailinz)