(ciep geizgonq)
48
Mehdaeq rox yienghneix 帝母懂这样，
Couh roengzbae bang di (de) 就下凡帮他；
Senj dieg deuz lingh giz 迁到别处去，
Couh ndi lau deng haih 就不怕害啦。
Sinhngeiz mingh hung lai 顺儿他命大，
Siengj haih dai mbouj ndaej 加害不用怕；
Mehdaeq rox yienghneix 帝母懂这样，
Couh roengzbae bang de 就下凡帮他。
Mehdaeq roengzdaeuj daengz 帝母下来到，
Caeuq de yaeng naeuz nix (neix) 同他相谋划；
Senj dieg deuz lingh giz 迁到别处去，
Couh ndi lau deng haih 就不怕害啦。
49
Deuz daengz ranz bohgyux (bohgoux) 逃到舅父家，
Cix bae guh ciengx vaiz 就去养牛群；
Yienznaeuz mbouj ndaej lai 虽然得不多，
Mbouj lau dai dungx iek 不怕饿死人。
Siengj daiq Dahlingz gaen 想带怜妹去，
Lau mehlaeng youh rox 又怕后娘恨；
Deuz daengz ranz bohgyux (bohgoux)逃到舅父家，
Cix bae guh ciengx vaiz 就去养牛群。
Ciengx vaiz yienznaeuz hoj 养牛虽辛苦，
Lij miz bohgoux aiq 舅父当后盾；
Yienznaeuz mbouj ndaej lai 虽然得不多，
Mbouj lau dai dungx iek 不怕饿死人。
50
Ciengx vaiz ndaej sam bei (bi) 养牛满三年，
Gwndaenj meiz rim hoh 吃穿满仓库；
Youh lau mehlaeng rox 又怕后娘懂，
Couh deuz ndoj Ligsan⑦ 逃到历山躲。
⑦历山：古代传说中的山名。
Sinhngeiz riengz bohgyux (bohgoux) 顺儿跟舅父，
Yienghyiengh guh ndaej ndei 样样能致富；
Ciengx vaiz ndaej sam bei (bi) 养牛满三年，
Gwndaenj meiz rim hoh 吃穿满仓库。
Miz gwn youh miz daenj 有吃又有穿，
Mbouj lau caenh sinhoj 不怕再辛苦；
Youh lau mehlaeng rox 又怕后娘懂，
Youh deuz ndoj Ligsan 逃到历山躲。
51
Deuz bae daengz Ligsan 逃到历山去，
Gvih gouz gvan Cingungh⑧ 求晋公怜悯；
Hawj gou youq ndaw rungh 给我住山弄，
Vih vunzcungq ciengx vaiz 为人养牛群。
⑧Cingungh(晋公)：指我国古代的晋帝。
Vih mbouj hawj baz rox 为不给娘懂，
Cix deuz ndoj gveng ranz 就逃离家庭；
Deuz bae daengz Ligsan 逃到历山去，
Gvih gouz gvan Cingungh 求晋公怜悯。
Hwnj mbwn mbouj miz loh 上天没有路，
Caen hojcoh liux doengz 真是可怜人；
Hawj gou youq ndaw rungh 给我在山弄，
Vih vunzcungq ciengx vaiz 为人养牛群。
52
Cingungh dingq de gangj 晋公听他讲，
Cix gag langx ndawsim 内心自叹息；
Hawj de ciengx vaiz gwn 给他来养牛，
Youq gwnz ndoeng gvaq ciuh 一辈在弄里。
Baz neix sim yak lai 这婆心太坏，
Haih gou dai cix angq 害死我欢喜；
Cingungh dingq de gangj 晋公听他讲，
Cix gag langx ndawsim 内心自叹息。
Dingq Sinhngeiz soqhoj 听顺儿诉苦，
Gvan gag gyoh ndawsim 晋公自痛惜；
Hawj de ciengx vaiz gwn 给他来养牛，
Youq gwnz doeng gvaq ciuh 一辈在弄里。
53
Ciengx vaiz sam bi buenq 养牛三年半，
Hix mbouj nyuenh (yienh) dauqma 不愿再回家；
Ligsan ndei baenzmaz 历山好得很，
Nyienh an’gya gvaq ciuh 愿一辈住下。
Ndaej cienz youh ndaej gwn 得吃又得钱，
De ndawsim cix vuen 心里乐开花；
Ciengx vaiz sam bi buenq 养牛三年半，
Hix mbouj nyuenh (yienh) dauqma不愿再回家。
Sam bi lai roengzdaeuj 三年多以来，
Ciengx vaiz youh ndaem naz 种田养牛娃；
Ligsan ndei baenzmaz 历山好得很，
Nyienh an’gya gvaq ciuh 愿一辈住下。
54
De ciengx mou hix maj 他养猪也大，
De ciengx max hix baenz 牛马也都有；
Miz haeux youh miz ngaenz 有谷又有钱，
Daenj caeuq gwn mbouj heiq 吃穿都不愁。
Aenmbwn goj roxsoq 上天可知理，
Daeuj hojcoh lwggyax 为孤儿担忧；
De ciengx mou hix maj 他养猪也大，
De ciengx max hix baenz 牛马也都有。
Guhhong rom ndaej lai 收获积累多，
Miz dien cai mbouj saenz 有天灾不忧；
Miz haeux youh miz ngaenz 有谷又有钱，
Daenj caeuq gwn mbouj heiq 吃穿都不愁。
55
Bi haenx fungz mbwn rengx 那年遇天旱，
Haeux cix gemj dingzlai 减半收谷物；
Gwnzhaw mbouj miz gai 街上没米卖，
Sinhngeiz hai canghoh 顺儿开仓库。
Bi haenx mbouj roengz fwn 那年不下雨，
Rum ndaw doengh cungj sengx 田野草干枯；
Bi haenx fungz mbwn rengx 那年遇天旱，
Haeux cix gemj dingzlai 减半收谷物。
Bi haenx haeux gemjsou 那年谷减产，
Vunzraeuz yiemj iek dai 村民挨饿肚；
Gwnzhaw mbouj miz gai 街上没米卖，
Sinhngeiz hai canghoh 顺儿开仓库。
56
Rap haeux bae haw gai 挑米上街卖，
Dawz haeux baij gwnz hangz 把米摆行前；
Buzyiengz gvaqdaeuj gangj 杨婆来问价，
Swng haeux gvanq geij cienz 升米几多钱。
Geij bi neix roengzdaeuj 这些年以来，
De cik haeux miz lai 他积谷万千；
Rap haeux bae haw gai 挑米上街卖，
Dawz haeux baij gwnz hangz 把米摆行前。
Baij haeux youq gwnzgai 摆米在街上，
Vunz raen lai caenh angq 人见喜连连；
Buzyiengz gvaqdaeuj gangj 杨婆过来问，
Swng haeux gvanq geij cienz 升米几多钱。
(caengz sat)
缩小
默认
