Seizcou mbwn hawqsauj, vunz baenz ndang ok lwed、baenz conghhoz in mingzyienj demlai. Ngaeux ndaej liengz lwed、nyinh yaem、siu ndat, gwn ngaeux dwg aen banhfap fuengzceih seizcou ndaeng ok lwed ceiq ndei lo.

Ngaeux byoiq diemz hab- bak, hamz miz mba、danbwzciz、veizswnghsu B、veizswnghsu C、youzlauz、dansuij vahozvuz、gai、linz、diet daengj lai cungj gvangvuzciz. Cunghyih nyinh- naeuz, gwn ngaeux ndip ndaej liengz lwed sanq giet, gwn cug ndaej bouj sim ik mak, ndaej bouj bwtdaep haw, giengz ndok nyangq nyinz、bouj lwed ciengx lwed. Gij veizswnghsu K ndaw ngaeux, ndaej sousuk sailwed caeuq dingz lwed, hab boux baenz ndaeng ok lwed、boux rueg lwed、boux ok nyouh lwed、boux ok haexlwed gwn. Danh- seih, boux aendungx siuvaq goengnaengz unq lai、boux baenz haexsiq mbouj hab gwn ndip.

Vih baujciz ngaeux dat naeng le saek ngaeux mbouj bienq henjgeq, dat ndei naeng le sien dwk roengz raemxmeiq saw bae cimq 5 faen cung, vez hwnj ronq cauj seiz, caenh- liengh mbouj yungh rekfaz cauj, mboujnex saek ngaeux mbouj ndei ngonz, danghnaeuz mienh cauj mienh faet di raemx ndeu, ngaeux cauj cug le saek hau lumj nyawh gig ndei ngonz.

Senj ngaeux seiz senj aen biz hung、noh byoiq unq、loq miz heiqrang ceiq ndei. Doengzseiz, senj aen mbouj sieng、mbouj naeuh、mbouj bienqsaek、mbouj miz diemjmyaex、mbouj reuqhoet、mbouj raek hoh engq ndei.