Daihseiq Gaiq Cunghgoz Dujswh Cidu Caeuq Dujswh Vwnz-

va Gozci Yozsuz Yenzdaujvei Youq Yinhcwngz Yen Hai

8 nyied 19 hauh daengz 22 hauh, Daihseiq Gaiq Cunghgoz Dujswh Cidu Caeuq Dujswh Vwnzva Gozci Yozsuz Yenzdaujvei youq Yinhcwngz Yen hai, gyoengq boux lauxhangz yozcej Dunghnanzya nem Gangj Au Daiz ciengzgeiz yenzgiu Cunghgoz Dujswh vwndiz haenx, nem guek raeuz gak yozsuz gihgou、gauhdwngj yenyau gyausou daengj 200 lai vunz camgya baez yenzdaujvei hozdung neix.

Yinhcwngz Moz Dujswh Yazsuj ndaej vunzlai heuhguh “gugungh Mbanjcuengh”, youq ndaw yienh Yinhcwngz, dwg daengx guek nem Yacouh aen dujswh gencuzginz gveihmoz ceiq hung、baujcunz ndaej ceiq caezcienz ndeu, hix dwg baihsaenamz saujsu minzcuz dujswh denjcangh cidu ndawde aen gujdai gencuz baujcunz ndaej ceiq caezcienz ndeu. Yinhcwngz Moz Dujswh Yazsuj dwg Yenzgiu vwnzva、minzsuz、cunghgyau、vwnzyoz yisuz Boux- cuengh、Cuengh Gun gencuz vwnzva miz haemq sang lizsij vwnzva yisuz nem gohyoz gyaciz. 1996 nienz, ndaej Gozvuyen baecinj liedhaeuj daengx guek cungdenj vwnzvuz danhvei, 2009 nienz 12 nyied, ndaej swcigih lijyouzgiz baejcinj dwg guekgya 3A gaep gingjgih.

(Loz Yengiz/罗献吉)