后来刘顺昌又为王家宽介绍了几个单身女人，王家宽不是嫌她们老就是嫌她们丑。没有哪个女人能打动他的心，他似乎天生地仇恨那些试图与他一起生活的女人。刘顺昌找到王老炳，说老炳呀，他一个聋子挑来挑去的，什么时候才有个结果，干脆你做主算啦。王老炳说你再想想办法。

刘顺昌把第五个女人带进王家时，太阳已经西落。这个来自异乡的女人，名叫张桂兰。为了把她带进王家，刘顺昌整整走了一天的路程。刘顺昌在灯下不停地拍打他身上的尘土，也不停地痛饮王家宽端给他的米酒。随着一杯又一杯米酒的灌入，刘顺昌的脸变红脖子变粗。刘顺昌说老炳，这个女人什么都好，就是左手不太中用，其实也没什么，就是伸不直。今夜，她就住在你家啦。

自从那次腊肉被盗之后，王家宽和王老炳就开始合床而睡，这样做的目的，是为了防止再有小偷进入时，他们好联合行动。张桂兰到达的这个夜晚，王家宽仍然睡在王老炳的床上。王老炳用手不断地掐王家宽的大腿、手臂，示意他过去跟张桂兰。但是王家宽赖在床上死活不从。渐渐地王家宽抵挡不住他爹的攻击，从床上爬了起来。

从床上爬起来的王家宽没有去找张桂兰，他在门外的晒楼上独坐，多日不用的收音机又挂到他脖子上。大约到了下半夜，王家宽在晒楼上睡去，收音机彻夜不眠。如此三个晚上，张桂兰逃出王家。

小学老师张复宝姚育萍夫妇，还未起床便听到有人敲门。张复宝拉开门，看见王家宽挑着一担水站在门外。张复宝揉揉眼睛伸伸懒腰，说你敲门，有什么事？王家宽不管允不允许，径直把水挑进大门，倒入张复宝家的水缸。王家宽说今后，你们家的水我包了。

每天早晨，王家宽准时把水挑进张复宝家的大门。张复宝和姚育萍都猜不透王家宽的用意。挑完水后的王家宽站在教室的窗口，看学生们早读，有时他一直看到张复宝或者姚育萍上第一节课。张复宝想他是想跟我学识字吗？他的耳朵有问题，我怎么教他？

张复宝试图阻止王家宽的这种行动，但王家宽不听。挑了大约半个月，王家宽悄悄对姚育萍说，姚老师，我求你帮我写一封信给朱灵，你说我爱她。姚育萍当即用手比画起来，王家宽猜测姚老师的手势，姚老师大意是说信不用写，由她去找朱灵当面说说就可以了。王家宽说我给你挑了差不多五十挑水，你就给我写五十个字吧，要以我的口气写，不要给朱灵知道是谁写的，求你姚老师帮个忙。

姚育萍取出纸笔，帮王家宽写了满满一页纸的字。王家宽揣着那页纸，像揣一件宝贝，等待时机交给朱灵。

王家宽把纸条揣在怀里三天，仍然没有机会交给朱灵。独自一人的时候，王家宽偷偷掏出纸条来左看右看，似乎是能看得懂上面的内容。

第四天晚上，王家宽趁朱灵的父母外出串门的时机，把纸条从窗口递给朱灵。朱灵看过纸条后，在窗口朝王家宽笑，她还把手伸出窗外摇动。

朱灵刚要出门，被串门回来的母亲堵在门内。王家宽痴痴地站在窗外等候，他等到了朱大爷的两只破鞋子。那两只鞋子从窗口飞出来，正好砸在王家宽的头上。

姚育萍发觉自己写的情书未起作用，便把这件差事推给张复宝。王家宽把张复宝写的信交给朱灵后，不仅看不到朱灵的笑脸，连那只在窗口挥动的手也看不到了。

一开始朱灵就知道王家宽的信是别人代写的，她猜遍了村上能写字的人，仍然没有猜出那信的出处。当姚育萍的字换成张复宝的字之后，朱灵的心情变得复杂起来。她看见信后的落款，由王家宽变成了张复宝，她不知道这是有意的错误或是无意的。如果是有意的，王家宽被这封求爱信改变了身份，他由求爱者变成了邮递员。

(五)

Doeklaeng Liuz Suncangh youh gaisau geij boux mehmbwk ndangdog hawj Vangz Gyahgvanh, Vangz Gyahgvanh mbouj dwg yiemz gyoengqde geq couhdwg yiemz gyoengqde yakyawj. Mbouj miz saek boux mehmbwk de yawj hwnj, de lumj dienseng haemz gij mehmbwk siengj caeuq de gwndaenj doxcaez haenx. Liuz Suncangh ra daengz Vangz Laujbingj, naeuz Laujbingj ha, de boux nuk ndeu genj bae genj dauq, seizlawz cij ra ndaej yah lo, hixnaengz mwngz guhcawj suenq lo. Vangz Laujbingj naeuz mwngz caiq siengjsiengj banhfap.

Mwh Liuz Suncangh daiq daihhaj boux mehmbwk haeuj ranz Vangz Laujbingj, daengngoenz gaenq roengz bya lo. Boux mehmbwk neix daj mbanj wnq daeuj, coh heuh Cangh Gveilanz. Vihliux daiq de daengz ranz Vangz Laujbingj, Liuz Suncangh cingjcingj byaij ngoenz loh he. Liuz Suncangh youq laj daeng mbouj dingz bek faenx gwnz ndang bae, hix mbouj dingz ndoet laeujhaeux Vangz Gyahgvanh daek hawj haenx. Riengz dwk boi youh boi laeujhaeux roengz dungx bae, Liuz Suncangh naj bienq nding hoz bienq co. Liuz Suncangh naeuz Laujbingj , boux mehmbwk neix gijmaz cungj ndei, couhdwg fwngzswix miz di vej, gizsaed hix mbouj miz maz, couhdwg iet mbouj soh. Haemh neix, de couh youq ranz mwngz youq lo.

Daj baez nohlab deng caeg gvaqlaeng, Vangz Gyahgvanh caeuq Vangz Laujbingj couh hainduj caemh congz ninz, yienghneix guh dwg vihliux fuengz caiq miz bouxcaeg haeujdaeuj seiz, song de ndei doxcaez gaeb caeg. Cangh Gveilanz daeujdaengz haemh haenx, Vangz Gyahgvanh lij ninz youq congz Vangz Laujbingj. Vangz Laujbingj aeu fwngz mboujduenh mbaengq gagoek、genfwngz Vangz Gyahgvanh, eiqsei dwg heuh de gvaqbae caeuq Cangh Gveilanz ninz. Hoeng Vangz Gyahgvanh baenzlawz cungj mbouj bae. Doeklaeng dingj mbouj gvaq daxboh mbaengq, daj gwnz congz benz hwnjdaeuj.

Vangz Gyahgvanh daj gwnz congz roengzdaeuj le cix mbouj bae ra Cangh Gveilanz, de gag naengh youq gwnz canz rog dou, aen souhyinhgih haujlai ngoenz mbouj yungh haenx youh venj youq gwnz hoz de. Daihgaiq daengz lajbyonghhwnz, Vangz Gyahgvanh youq gwnz canz ninzndaek lo, aen souhyinhgih yiengj daengx hwnz. Sam haemh cungj dwg yienghneix, Cangh Gveilanz deuz ok ranz Vangz Laujbingj bae lo.

Siujyoz lauxsae Cangh Fuzbauj Yauz Yuzbingz gvanbaz, lij caengz hwnq couh dingqnyi miz vunz bongx dou. Cangh Fuzbauj hai dou, yawjraen Vangz Gyahgvanh rap rap raemx he ndwn youq rog bakdou. Cangh Fuzbauj nu da ietnonx, naeuz mwngz bongx dou, miz gijmaz saeh? Vangz Gyahgvanh mbouj guenj cinj mbouj cinj, couh cigsoh dawz raemx rap haeuj ranz, raix roengz gangraemx Cangh Fuzbauj bae. Vangz Gyahgvanh naeuz, baezlaeng raemx ranz mwngz gou bau lo.

Moix ngoenz gyanghaet, Vangz Gyahgvanh cinjseiz rap raemx haeuj ranz Cangh Fuzbauj bae. Cangh Fuzbauj caeuq Yauz Yuzbingz cungj guj mbouj ok Vangz Gyahgvanh dauqdaej siengj guh gijmaz. Vangz Gyahgvanh rap raemx gvaq le ndwn youq rog cueng gyausiz, yawj gyoengq hagseng doeg saw, miz seiz de itcig yawj daengz Cangh Fuzbauj roxnaeuz Yauz Yuzbingz hwnj goq daih’it sat. Cangh Fuzbauj siengj de dwg mbouj dwg siengj riengz gou hag nyinh cih? Rwz de nuk, gou baenzlawz son de?

Cangh Fuzbauj siengj lanz Vangz Gyahgvanh guh cungj saeh neix, hoeng Vangz Gyahgvanh mbouj dingq. Daihgaiq rap buen ndwen raemx, Vangz Gyahgvanh laeglemx doiq Yauz Yuzbingz naeuz, Yauz lauxsae, gou gouz mwngz bang gou sij fung saenq ndeu hawj Cuh Lingz, mwngz naeuz gou gyaez de. Yauz Yuzbingz sikhaek yungh fwngz beijveh hwnjdaeuj, Vangz Gyahgvanh guj gij beijveh Yauz lauxsae, Yauz lauxsae eiqsei dwg naeuz saenq mbouj yungh sij, youz de bae caeuq Cuh Lingz dangnaj gangj couh ndaej lo. Vangz Gyahgvanh naeuz gou rap raemx hawj mwngz ca mbouj geijlai hajcib rap lo, mwngz couh bang gou sij hajcab cih saw ba, aeu sij ndaej lumj dwg gou sij nei, gaej hawj Cuh Lingz rox dwg byawz sij bw, Yauz lauxsae, gouz mwngz bang gou sij lo.

Yauz Yuzbingz dawz ceij okdaeuj, bang Vangz Gyahgvanh sij mbaw ceij rim he. Vangz Gyahgvanh dawz mbaw ceij neix, lumj dawz yiengh dijbauj he, caj gihvei gyau hawj Cuh Lingz.

Vangz Gyahgvanh dawz mbaw ceij neix yo youq ndawj rungj sam ngoenz, lij mbouj miz gihvei gyau hawj Cuh Lingz. Bouxdog gag youq seiz, Vangz Gyahgvanh laeglemx mbon ok mbaw ceij neix okdaeuj yawj bae yawj dauq, lumjbaenz yawj rox neiyungz gwnz ceij nei.

Ngoenz daihseiq banhaemh, Vangz Gyahgvanh swnh mwh bohmeh Cuh Lingz bae cunzranz, aeu mbaw ceij sij rim cih haenx daj conghcueng ndenq hawj Cuh Lingz. Cuh Lingz ywj gvaq le, youq bakcueng riu coh Vangz Gyahgvanh, de lij iet fwngz ok rog cueng bae bi fwngz.

Cuh Lingz ngamq siengj ok dou, couh deng daxmeh bae cunzranz dauqma haenx lanz youq lo. Vangz Gyahgvanh mwnhsaeng ndwn youq rog cueng caj, de caj daeuj dwg song ga haiz rwix daxboh Cuh Lingz. Song ga haiz haenx daj ndaw conghcueng baeuh okdaeuj, cingqngamj baeuh deng aen’gyaeuj Vangz Gyahgvanh.

Yauz Yuzbingz raen swhgeij sij mbaw cingzsaenq haenx mbouj miz yungh, couh doi gienh saeh neix hawj Cangh Fuzbauj. Vangz Gyahgvanh aeu fung saenq Cangh Fuzbauj sij haenx gyau hawj Cuh Lingz le, mboujdanh mbouj yawjraen naj riu Cuh Lingz, lienz gaiq fwngz youq bakcueng vad haenx hix yawj mbouj raen lo.

Ngamq hainduj Cuh Lingz couh rox saenq Vangz Gyahgvanh dwg bouxwnq bang sij, de guj doh gij vunz ndaw mbanj naengz sij haenx, lij guj mbouj ok fung saenq haenx dwg byawz sij. Dang gij cih Yauz Yuzbingz vuenh baenz gij cih Cangh Fuzbauj le, simcingz Cuh Lingz couh bienq fukcab lo. De yawjraen aencoh sij youq baihlaeng fung saenq haenx, youz Vangz Gyahgvanh bienqbaenz Cangh Fuzbauj, de mbouj rox neix dwg mizeiq roxnaeuz fouzeiq sij loek. Danghnaeuz dwg mizeiq, Vangz Gyahgvanh deng fung saenq neix gaijbienq sinhfwn lo, de youz bouxcamyoux bienqbaenz bouxsoengq- saenq.

（5）