●8 nyied 26 hauh banhaet, Yinhcwngz Yen Minzcuzgiz fat cienzngaenz bangbouj hawj doengh- boux hagseng saujsu minzcuz ranz gungzhoj de. Ndawde dayozswngh 6 boux, moix boux 3000 maenz, gauhcunghswngh 7 boux, moix boux 1000 maenz, gungh fat 25000 maenz.

(Lanz Cunghcwngz)

●8 nyied 31 hauh banhaemh, Vuzcouh Si Cangzcouh Gih youq sicwng gvangjcangz vujdaiz gawj- banh foux cangqndang minzcuz、genswnhcauh doxdax, ndaw gih neix gungh miz 29 aen dui camgya doxdax caemhcaiq bingzok itdaengjciengj 4 aen、ngeihdaengj- ciengj 6 aen、 samdaengjciengj 8 aen、 youhsiuciengj 11 aen.

(Liuz Gozvwnj)

●Geij ngoenz gonq, Nanz- ningz Si Caizcwnggiz、Nanzningz Si Minzveij anbaiz 330 fanh maenz yungh daeuj guh 59 aen hanghmoeg fazcanj saujsu minzcuz. Ndawde 120 fanh maenz yungh daeuj youq daengx yienh(gih) guh cunghab sifan cunh minzcuz daegsaek gensez.

(Vangz Sinhyungz)

●Geij ngoenz gonq, daih’it gaiq daengx guek baijyienj cozbinj foux saujsu minzcuz maenhndei youq Neimungzguj Swcigih Huh- hwzhaudwz guh sat lo. Bwzswz Si Minzcuz Vwnzva Swnjcienz Cungsim aen foux Bouxcuengh lai boux mehmbwk diuq de heuhguh《Raeuj》nem aen foux Myauzcuz lai boux bouxsai diuq de heuhguh《Ginz Sim》faenbied ndaej dungzciengj nem youhsiuciengj.

(Ciz Sundungh Nungz Veihyenz)

●Seizndat, Cauhbingz Yen seizhah lajmbanj lijyouz ndaej vunzlai gyaezmaij. Ciuq cam rox, 1 daengz 7 nyied, aen yienh neix ciepdaih hekyouz 228.6 fanh vunzbaez, doengzbeij demlai 24.8%, saedyienh lijyouz souhaeuj 21.86 ik maenz, doengzbeij demlai 26.7%.

(Liuz Feih)