Seizcou siuvaq hidungj lwgnyez yungzheih baenzbingh, aeu daegbied haeujsim gwnndoet veiswngh, noix gwn yinjliu gyoet, mienxndaej gig dungxsaej; caiq gangj, sae’gva singq caep, seizcou gwn lai rox sieng dungx, ndigah, gaej hawj lwgnyez gwn lai.

Seizcou aenmbwn cienj liengz, dwg aen geiqciet yungzheih baenz dwgliengz ndeu, mehcijlwg aeu hawj lwgnyez gwn di gijgwn hamz veizswnghsu A caeuq veizswnghsu E lai he, hawj aenndang lwgnyez lai dingj ndaej bingh. Yawhfuengz lwgnyez baenz dwgliengz, wng hawj lwgnyez lai gwn di gijgwn aeu cij daeuj guh、bwtdaep doihduz、makgenq、byaekheu saekloeg、lwgmak hoengzhenj daengj doxgaiq.