(ciep geizgonq)
21
Ra yw yw baz ndei 找药医她好，
Youh lingh meiz (miz) geiqvah 又另有诡计；
Eu hwnj ranz coih vax 叫上屋捡漏，
Baz daj laj coemh feiz 放火烧上去。
Baz simdoeg mbouj gaij 她毒心不改，
Youh lingh caiq daeuj ngeix 又再来计议；
Ra yw yw baz ndei 找药医她好，
Youh lingh miz geiqvah 又另有诡计。
Buzyiengz sim mbouj ndei 杨婆心不好，
Haih Sinhngeiz lwggix 害顺儿孤弟；
Eu hwnj ranz coih vax 叫上屋捡漏，
Baz daj laj coemh feiz 放火烧上去。
22
Seiq bien deng feiz coemh 四边被火烧，
De daej doengh daengz mbwn 顺儿哭动天；
Nyawhdaeq baij sienvunz 玉帝派仙来，
Couh fat fwn daeuj gouq 下雨来救援。
Sinhngeiz youq gwnz ranz 顺儿在屋顶，
Cuengqsing gyangz deih doengh 放声哭可怜；
Seiq bien deng feiz coemh 四边被火烧，
De daej doengh daengz mbwn 顺儿哭动天。
Sing gyangz sam sing daej 他哭喊不停，
Dangq simsaej cienz yungz 心似被水煎 ；
Nyawhdaeq baij sienvunz 玉帝派仙来，
Couh fat fwn daeuj gouq 下雨来救援。
23
Sinhngeiz naeuz Buzyiengz 顺儿讲杨婆，
Gou gag siengj mbouj ndei 这样做不妥；
Heuh gou hwnj ranz bae 叫我上屋顶，
Mwngz coemh feiz gvaq laj 你下面放火。
Gou guh dwg mbouj dwg 我做对不对，
Dwg mehlwg itciengz 毕竟母子过；
Sinhngeiz naeuz Buzyiengz 顺儿讲杨婆，
Gou gag siengj mbouj ndei 这样做不妥。
Aeu mwngz daeuj cauhfuk 要你来造福，
Guh sim doeg mbouj ndei 行毒心不妥；
Heuh gou hwnj ranz bae 叫我上屋顶，
Mwngz coemh feiz gvaq laj 你下面放火。
24
Buzyiengz sim mbouj ndei 杨婆心不好，
Naeuz Sinhngeiz luenh laih 讲顺儿乱赖；
Faex moeb din youh caij 棍打脚践踏，
Lwed baenz gaiq hoengzbyan 血流红成块。
Buzyiengz naj caen na 杨婆脸皮厚，
Naeuz baz mbouj cit feiz 说不放火灾；
Buzyiengz sim mbouj ndei 杨婆心不好，
Naeuz Sinhngeiz luenh laih 讲顺儿乱赖。
Raen Sinhngeiz mbouj dai 见顺儿不死，
Youh siengj cai gya haih 又想来加害；
Faex moeb din youh caij 棍打脚践踏，
Lwed baenz gaiq hoengzbyan 血流红成块。
25
Moeb Sinhngeiz laemx namh 打顺儿倒地，
Dangq oen camx ndaw sim 像荆扎心窝；
Sinhngeiz daej mbouj dingz 顺儿哭不停，
Bin hwnj ndoeng bae ndoj 逃到山上躲。
Buzyiengz sim mbouj ndei 杨婆心不好，
Haih Sinhngeiz engq camj 害顺儿太多；
Moeb Sinhngeiz laemx namh 打顺儿倒地，
Dangq oen camx ndawsim 像荆扎心窝。
Youq gwnz ndoi gvaq haemh 在山上过夜，
Daej ngaengh mbouj ok sing 哭累心难过；
Sinhngeiz daej mbouj dingz 顺儿哭不停，
Bin hwnj ndoeng bae ndoj 逃到山上躲。
26
Sinhngeiz deng haih saeh 顺儿被害事，
Cuengqsing daej daengz mbwn 哭声震到天；
Diendaeq dingq sim’unq 天帝听闻到，
Baij sienvunz daeuj gouq 派神仙救援。
Sinhngeiz raen duzsien 顺儿见神仙，
Couh lienzmuengz roengzgvih 马上跪求援；
Sinhngeiz deng haih saeh 顺儿被害事，
Cuengqsing daej daengz mbwn 哭声震到天。
De daej mbouj baenz sing 他哭不成声，
Gag ienq mingh mbouj baenz 自怨命运贱；
Diendaeq dingq sim’unq 天帝听闻到，
Baij sienvunz daeuj gouq 派神仙救援。
27
Sinhngeiz lwnh duzsien 顺儿告诉仙，
Miz nuengxmienz youq ranz 有小妹在家；
Siengj daengz sim cix fanz 想到心烦乱，
Bang ma ranz lwnh dah 帮去告诉她。
Sinhngeiz you ndawsim 顺儿心忧虑，
Lau Dahlingz⑥ cauhcienh 怕达怜贱差；
Sinhngeiz lwnh duzsien 顺儿告诉仙，
Miz nuengxmienz youq ranz 有小妹在家。
⑥Dahlingz(达怜)：顺儿妹妹的小名。“达”，壮语“dah”的音译词，对同辈或小辈青少年女性称呼的词头；“怜”，是壮语“lingz”的音译词。
Lau nuengxnyaeq Dahlingz 怕小妹达怜，
Mbouj baenz vunz yawz banh 不成人成家；
Siengj daengz sim caenx fanz 想到心烦乱，
Bang ma ranz lwnh dah 帮去告诉她。
28
Dingq gangj nyinx siliengz 听讲恁凄凉，
Duz saenzsien hix gyoh 仙心如刀割；
Ma lwnh Dahlingz rox 来告诉达怜，
Daej itloh bae ra 一路哭找哥。
Youq ndaw ndoi gvaq haemh 在山中过夜，
Gag daej ngaengh youh gyangz 哭累叹奈何；
Dingq gangj nyinx siliengz 听讲恁凄凉，
Duz saenzsien hix gyoh 仙心如刀割。
Raen Sinhngeiz souhhoj 见顺儿受苦，
Duzsien goj rox gyoh 神仙可怜了；
Ma lwnh Dahlingz rox 来告诉达怜，
Daej itloh bae ra 一路哭找哥。
29
Sinhngeiz song beixnuengx 顺儿两兄妹，
Raennaj cuengqsing daej 见面哭声悲；
Langh meh raeuz lij leix (lix) 若咱妈还活，
Yawz yienghneix gwnvi 怎这样吃亏。
Deng haih dwgrengz lai 被害辛苦多，
Goj deng dai ienuengj 冤枉死这辈；
Sinhngeiz song beixnuengx 顺儿两兄妹，
Raennaj cuengqsing daej 见面哭声悲。
Caeg ndaej buenq vanj souh 偷得半碗粥，
Cix dawz daeuj gizneix 拿来献给妹；
Langh meh raeuz lij leix 若咱妈还活，
Yawz yienghneix gwnvi 怎这样吃亏。
(caengz sat)
缩小
默认
