8 nyied 8 hauh banhaemh, youq Sanhgyangh Dungcuz Swciyen Linz- hih Yangh Bingzyenz Cunh Mbanj- yenzcai baihnaj laeuzgyong, sing aenvenz goksasa、foux Dohyeh yiengh gyaeundei, minzsuz baijyienj aen beij aen mizyinx、goj beksingq cit beij cit ndei dingq, neix hawj vunz mbanj Dungcuz nem gyoengq hekyouz ndaw guek rog guek yawj ndaej gvaqyinx、 souh’ik gig lai. Haemh de,“vwnzmingz huzndei- Sanhgyangh Dungcuz Swciyen 2014 nienz‘bak cien fanh’gunghcwngz beksingq senhgyangj cienciengz”youq aen mbanj neix hainduj, neix hawj mbanj Dungcuz gij hong senhgyangj lijlun hoengh hwnjdaeuj, “doxcomz laeuzgyong”hingzsik lai cungj lai yiengh, neix gaenq baenz aen bingzdaiz okmoq hwng gij vwnzmingz hawj vunzlai gyarengz de.

Gaenh geij bi neix, Liujcouh Si haenqrengz guh hong beksingq gangj saeh lwnh leix, doenggvaq gij fuengsik moq“beksingq gangj、gangj beksingq、beksingq dingq”neix, youq Liujcouh Si nem Sanhgyangh Dung- cuz Swciyen gangj le 400 lai ciengz, doenghboux ndaej dingq de miz 50 lai fanh vunzbaez, baenz le“Liujcouh mbaw diep mizmingz ndeu”nem“doenghyiengh ndeigyaez moq mbanj Dungcuz”, comz miz“hozdung hingzsik ndei、gangj lwnh yaugoj ndei、sevei yingjyangj hung、meizdij riengz yawj lai、baihgwnz bingzgyaq sang”daengj.

(Gungh Bujgangh/龚普康)

简 讯

SIUSIK DINJ

●Daj bineix daeuj, Dasinh Yen ca ndei guh hong fat cienz bangbouj hawj doenghboux liz henzguek 3 goengleix dauqndaw, hawj vunz henzguek ndaej yiengjsouh guekgya gij cwngcwz hawj vunzlai souh’ik de. Dangqnaj, aen yienh neix gungh miz 2572 hoh 9988 vunz ndaej bangbouj, gyoepsuenq fat gij bangbouj neix 287.6544 fanh maenz.

(Liuz Cinghgveiz)

●Gaenh bi daeuj, Yungzanh Yen dawz makmaed dangguh aen daegsaek canjyez ndeu, mizyauq dwk heuh nungzminz roengzrengz dajndaem makmaed. Dangqnaj, aen yienh neix Cangzanh、Fuzsiz、Daliengz、Danzdouz、Dunghgij、Swdingj daengj yanghcin gungh 200 gunghgingj makmaed gaenq gietmak, bi canjlieng 150 fanh goenggaen, guj cungjcanjciz ndaej 1200 fanh maenz baedauq.

(Veiz Cujswz)

●Geij ngoenz gonq, Vujmingz Yen minzban yozyau ndaej siusik ndei：Daengx yienh minzban yozyau hagseng ndaej lumj doenghboux hagseng ndaw gunghban yozyau ityiengh yiengjsouh mienxfeiq gwn“ngaizringz yingzyangj”. Vujmingz Yen hix gaenq baenz le gih raeuz aen yienh dog gij“ngaizyingzyangj giva”ndaej hengz doh.

(Veiz Yenzfuz)

●Bineix buenq bi gonq, Vuzcouh Si daengx si minzcuz canjbinj giyez ndaej daigvanj 14.6 ik maenz, doengzbeij gyalai 69.78%, coengh giyez ceng ndaej cunghyangh caizcwng boujdiep leihsik 1837 fanh maenz, miz rengz dwk doidoengh minzcuz mouyi canjbinj giyez ndaej fazcanj.

(Liuz Gozvwnj)

●Bineix, Bingzgvei Gvanjlijgih roengz 370 fanh maenz, coengh hengzguh aen hanghmoeg Swhdungh Cunh Dacungh Siujcuj buen ranz, dajsuenq nienzdaej buen liux 91 hoh 517 vunz. Guh aen hanghmoeg neix le hawj vunz saujsu minzcuz ndaej gaijgez youqranz mbouj ancienz、mbouj doxcomz、roen mbouj bienh daengj vwndiz.

(Vuz Lifangh)