●8 nyied 8 hauh, Sanhgyangh Dungcuz Swciyen Gujyiz Cin Majbingz Cunh Mbanjlijgyah diuz roenzsuijniz doeng mbanj raez 3 goengleix de guh sat lo. Ciuq cam rox, gaenh sam bi daeuj, aen mbanj neix gungh comz ndaej 45 fanh maenz ngaenz guh caizcwng“it saeh it yaeng”ciengjbouj hanghmoeg, comz vunzlai guh hanghmoeg, gaijgez le vunzlai byaij roen hoj vwndiz.

(Gungh Bujgangh)

●Daj bineix daeuj, Nazboh Yen gungh saedhengz“it saeh it yaeng”caizcwng ciengjbouj hanghmoeg 46 aen, guh doh daengx yienh 9 aen yanghcin, hawj 5.56 fanh saujsu minzcuz souh’ik, gungh roengz- ngaenz 429 fanh maenz, ndaej gij cienzngaenz cunghyangh、swcigih gaep ciengjbouj de 322 fanh maenz.

(Vangz Bizvaz Vangz Hungzan)

●Daj gaihcanj dangj raeuz ginzcung lusen gyauyuz sizcen hozdung daeuj, Lungzcouh Yen gij gwzming gingjgih baugvat Gizdieg Gaeuq Hungzbazginh Ginhbu、Aen Gvanj Byaijok Huz Cimingz、Siujlenzcwngz、Sanglungz Yangh“caiq byaij roen Hungzginh”daengj ciep hekyouz 18 fanh doxhwnj. (Lij Dinghminz Yangz Liuj)

●Geij bi neix, Swhyenz Yen Cehdenz Myauzcuz Yangh haenq- rengz fazcanj lwggwz canjyez. Bineix, aen yangh neix gungh cingj ndaw yienh nungzyezgiz doengboux gisuz guzgan daeuj beizyin 12 baez, book gij yingjben ciendaez gisuz gyauyuz de 6 baez, fat dan senhconz 1500 lai faenh, beizyin doh daengx yangh 12 aen cunh.

(Cauz Mingzveij)

●Ceiqgaenh, Gvangjsih Vaz- lanz Sezgiyen doenghboux lauxhangz 4 boux daengz Dava Yauzcuz Swciyen Banjswngh Yangh Lungliz Cunh Mbanjlungliz guh hong cazyawj baenzlawz coihguh mbanj Yauzcuz, caemhcaiq guh ok fangh’an. Aen fangh’an neix dajsuenq coihguh ranz 20 aen, roengzngaenz 20 fanh, youz Swcigih Gensezdingh cigsoh bued cienz.

(Vangz Vwnzboh)