Geij ngoenz gonq, gij hong fanhoiz nem ingjguh bouh denyingj《Denhginz》 gaenq sat lo, dangqnaj cingq ceng’aeu haeuj ndaw guekgya susw cezmuz guenjleix bingzdaiz bae, yiengq daengx guek fathengz. Bouh denyingj neix dwg aen si neix boux denyingj Vahcuengh daih’it.

Bouh denyingj《Denhginz》neix aeu cit goj riuz youq ranghdieg Dahcojgyangh gvendaengz Boux- cuengh gvaq saedceij nem guhyoux de guh beigingj(gizdieg nem gingj- saek ndaw denyingj), dwg bouh denyingj guhyoux gingjsaek yinhyoz ndeu. Vih ingjguh bouh denyingj neix, bouxingjguh de youq Lungz- couh Yen aeu gingj, dawz gij yisuz dijbauj Bouxcuengh-denhginz coq haeuj ndaw denyingj bae, gig caensaed dwk baijok gij yienghsiengq maenhndei vwnzva Bouxcuengh nem vwnzva lijyouz, vunzlai gig gyaezmaij. Vihliux engqgya caensaed、nemgyawj dwk yienh’ok gij funghcingz Boux- cuengh ranghdieg Dahcojgyangh, ciuq yiengh dauqfuk baijok gij yienghsiengq ndaw denyingj bonjmiz de, hawj engq lai vunz Bouxcuengh ndaej itit ngeihngeih dwk ngonzyawj denyingj, Cungzcoj Si Minzveij、Minzyijveij daj bineix 5 nyied hainduj cujciz dangdieg doenghboux guh hong boiqyaem fanhoiz ingjguh de, boiq yaem Vahcuengh Lungzcouh coq ndaw denyingj.

(Dwng Haijcouh/邓海周)