(ciep geizgonq)
3
Ranzyiuz song goengyah 姚家两公婆，
Ienq baihnaj mbouj ndei 前景不好过；
Baenzgya cibgeij bi 结婚十多年，
Mbouj miz laeq lwgnyez 孩儿没一个。
Mbouj miz lwg ciep coj 无子接祖宗，
Aensim hoz mbouj rax 此事闹心窝；
Ranzyiuz song goengyah 姚家两公婆，
Ienq baihnaj mbouj ndei 前景不好过。
Mbouj miz lwg cix hoj 没有仔就苦，
Cog mbouj rox yawz nde (ndei) 将来怎生活；
Baenzgya cibgeij bi 结婚十多年，
Mbouj miz laeq lwgnyez 孩儿没一个。
4
Gouz buznaix aeu lwg 求仙奶要仔，
Baz soengq daeg lwgsai 她送个男孩；
De fukheiq ndei lai 他们好福气，
Seng lwggvai okaeuj 生个男乖乖。
Gouz buznaix aeu va 求仙奶要花，
Baz soengq ma hoengzfwg 她送红花来；
Gouz buznaix aeu lwg 求仙奶要仔，
Baz soengq daeg lwgsai 她送个男孩。
Naix soengq va roengzdaeuj 仙奶送花来，
Miz fuk souh va hai 有福受花开；
De fukheiq ndei lai 他们好福气，
Seng lwgsai okdaeuj 生个男乖乖。
5
Meh daiqnyinh gouj ndwen 妈怀胎九月，
Ndawsim vuen fouzbeij 心无比高兴；
Seng Sinhngeiz doek deih 生顺儿落地，
Daeg lingzleih coengmingz 伶俐又聪明。
Naix soengq duj vaboux 仙奶送雄花，
De eiq mbouj yungh dwen 可爱又可敬；
Meh daiqnyinh gouj ndwen 妈怀胎九月，
Ndawsim vuen fouzbeij 心无比高兴。
Suenq diegmoh de ndei 算他坟山好，
Goengyiuz meiz (miz) fukheiq 姚公福勃兴；
Seng Sinhngeiz doek deih 生顺儿落地，
Daeg lingzleih coengmingz 伶俐又聪明。
6
Sinhngeiz dungx miz maeg顺儿有才学，
Meh bingh naek couh ei 妈病重就医；
Gwn yw bingh mbouj ndei 服药病不好，
Meh dai bae caemrwg 妈静悄死去。
Sinhngeiz daeg lwgsai 顺儿男子汉，
Yiengh de gvai dungx laeg 样乖巧伶俐；
Sinhngeiz dungx miz maeg 顺儿有才学，
Meh bingh naek couh ei 妈病重就医。
Sinhngeiz hengz hauqsim 顺儿行孝道，
Daeuj nyinhcaen dajleix 认真来料理；
Gwn yw bingh mbouj ndei 服药病不好，
Meh dai bae caemrwg 妈静悄死去。
7
Bae cingj sae caeuq dauh 请师公道公，
Guh hengzhauq soengqsang 送丧行孝礼；
Sinhngeiz cuengqsing gyangz 顺儿放声哭，
Aen gyaranz byawz leix 家庭谁料理。
Sinhngeiz mingh ek lai 顺儿命太苦，
Bazmeh dai caemyauj 妈妈早死去；
Bae cingj sae caeuq dauh 请师公道公，
Guh hengzhauq soengqsang 送丧行孝礼。
Meh dai liux hixhaeuh 妈死去以后，
Aeboh gou yawz dang 爸怎管家里；
Sinhngeiz cuengqsing gyangz 顺儿放声哭，
Aen gyaranz byawz leix 家庭谁料理。
8
Meh dai dangq fai lak 娘死如坝崩，
Vaiqlag bienq yousim 快乐变忧心；
Soujhauq sam bi rim 守孝三年满，
Aengya dinghrwgrwg 家死气沉沉。
Gangj Sinhngeiz daeg neix 顺儿这男孩，
Boihseiz dangq guk rag 霉似被虎擒；
Meh dai dangq fai lak 娘死如坝崩，
Vaiqlag bienq yousim 快乐变忧心。
Meh dai yienghyiengh loek 娘死样样错，
Raemxda doek dangq fwn 泪如雨纷纷；
Soujhauq sam bi rim 守孝三年满，
Aengya dinghrwgrwg 家死气沉沉。
9
Sinhngeiz naeuz aeboh 顺儿对爸讲，
Raeuz gwn hoj gwn haemz 我们吃苦难；
Meh dai sam bi lingz 妈死三年多，
Lingh aeu vunz ma ciep 再娶人接班。
Meh dai ndaej sam bi 妈死得三年，
Cauxfeiz mbouj doek gyoq 生火不落炭；
Sinhngeiz naeuz aeboh 顺儿对爸讲，
Raeuz gwn hoj gwn haemz 我们吃苦难。
Aeboh hix doengzeiq 爸爸也同意，
Vih cihgeij gyadingz 为家庭扛担；
Meh dai sam bi lingz 妈死三年多，
Lingh aeu vunz ma ciep 再娶人接班。
10
Ndaej aeboh doengzeiq 得阿爸同意，
Ndouq vuenheij cibfaen 他十分欢喜；
Ra bazmoiz daeuj yaeng 找媒婆商量，
Aeu mehlaeng daeuj ciep 聚后娘接替。
Bazmoiz daeuj gaq giuz 媒婆来搭桥，
Cam Goengyiuz it ngeih 问姚公心意；
Ndaej aeboh doengzeiq 得阿爸同意，
De vuenheij cibfaen 他十分欢喜。
Siengj cuengq gen youh dinj 想伸手又短，
Ciuh neix sinj caengz daengz 这辈接不易；
Ra bazmoiz daeuj yaeng 找媒婆商量，
Aeu mehlaeng daeuj ciep 聚后娘接替。
11
Buzyiengz goj han bae 杨婆②答应来，
Lij miz laeq lwgsaeq 还有个小孩；
Daiq bae ndaej mbouj ndaej 带儿行不行，
Baz gag ngeix cienz loeng 她想乱心怀。
② 杨婆：壮族一姓杨人家的寡妇。
Bazmoiz rox gangjvah 媒婆很会说，
Naeuz baenaj goj ndei 将来可愉快；
Buzyiengz goj han bae 杨婆答应来，
Lij miz laeq lwgsaeq 还有个小孩。
Buzyiengz dawz vah han 杨婆把话应，
Youh gag fanz gag heiq 又自烦自哀；
Daiq bae ndaej mbouj ndaej 带儿行不行，
Baz gag ngeix cienz loeng 她想乱心怀。
(caengz sat)
缩小
默认
