Gih Raeuz Youq Denzdungh Baeznduj Cuengqingj Bouh

Gunghyiz Denyingj Daih’it Louzsim Hensouj Lwgnyez

7 nyied 31 hauh, gih raeuz bouh gunghyiz denyingj fanjyingj swnghhoz caeuq gyauyuz seizneix gyoengq lwgnyez hensouj 《Diuzloh Mbouj Bingzciengz》 youq Denzdungh Yen baeznduj cuengqingj.

《Diuzloh Mbouj Bingzciengz》cit goj neix lwnhgangj le Mungz Gvanghveih caeuq Moz Yilingz song boux lwgnyez hagseng Baksaek lajmbanj aenvih siengjniemh bohmeh youq rog dajgoeng, song boux doxcaeuq bae Gvangjdungh ra bohmeh. Youq gwnz loh bae ra bohmeh, songde nyangzraen boux gaijdiuq ndeu, boux gaijdiuq neix vih comz ngaenz yw boux lwgnyez de baenz aizcwng cix siengj caenh banhfap yaeuh vunz aeu cienz, song boux lwgnyez nyapnyuk dangqmaz. Cingq youq seizhaenx, Dauz lauxsae buekmingh daeuj gouq songde.

Ciuq liujgaij, bouh denyingj neix youq Baksaek saeddieg bekingj, caemhcaiq senj mbangj lwgnyez hensouj daeuj yienjok, denyingj couh yaek youq gaenhgeiz cunzcet ndaw guek fathengz cuengqingj.

（Lingz Cungh/凌 聪）