7 nyied 27 hauh, Cunghgoz Baudauj Gvangjsih Sinhvwnz “buenx doxgyaez·hengz goeng’ik” ——bangrex Lozyez Yangz Caimingz hozdung youq Lingzyinz Yen Gyahyouz Cin Mbanjyanghlij gawjhengz. Gunghgoz Baudauj Gvangjsih Sinh- vwnz、Gvangjsih Yizbau、Gvangjsih Sinhvwnzvangj、Yougyangh Yizbau、Bwzswz Densidaiz、Lingzyinz Densidaiz、Lozyez Densidaiz daengj cunghyangh、gih、si、yen seiq gaep sinhvwnz meizdij camgya baudauj hozdung.

Youq gwnz hoih hozdung, Bwzswz Si gyoengq suhfazgyah youq yienhciengz sij suhfaz, youz boux gunghcoz yinzyenz biugai cih suhfaz gyoengqde. Ngoenzde, gyoengq- boux simgyaez daibyauj dawz 12000 maenz ngaenz biugai 5 fuk suhfaz cozbinj ndaej, gyahwnj gyoengqvunz simgyaez gienngaenz caeuq baez hozdung gaxgonq rom ndaej gij ngaenz haenx gungh 60000 maenz soengq daengz ndaw fwngz Yangz Caimingz.

Yangz Caimingz dwg vunz Lozyez Yen Mbanjdenbingz, doxboh de baenz bingh’aiz- cwng, daxmeh ndang nyieg baenzbingh, bi’gvaq, Yangz Caimingz bae Bahmaj daj- goeng, boihseiz deng huxci, deng sieng ga raek, seizneix lij caengz byaij ndaej loh.

(Yangz Dunghcan Vangz Yenzyungz/杨通站 黄元荣)