Nanzdanh Yen yawjnaek swnjcienz caeuq hungzyangz Bwzguyauz minzcuz vwnzva, daj 2008 nienz hwnj, youq Lijhuz Yauzcuz Yangh Vaizlij、Lijhuz、Yauzlij 3 aen siujyoz caeuq Huzlij Cunghyoz hai ban swnjcienz Bwzguyauz minzcuz vwnzva, moix singhgiz hwnj song dangz go, son go neiyungz dwg guh buhvaq Bwzguyauz、foux minzcuz、roq nyenz caeuq conzdungj dijyuz hanghmoeg. Buhvaq Bwzguyauz、fouxfaexduzlingz Bwzguyauz youq geij bi gonq couh baenbied ndaej liedhaeuj guekgya gaep feihvuzciz vwnzva yizcanj caeuq gih raeuz feihvuzciz vwnzva yizcanj mingzloeg.(Fuz Lungzgyangz/ 符龙强)