(ciep geizgonq)
46
Youq mbanj gwnz mbanj laj 在上村下屯，
Goj raennaj ciengzyinz 可时常见面；
Goengyah hengz doegsim 公婆行毒心，
Cij biekvaen ngoenzneix 才离婚今天。
Luenh cauh vah cauh coenz 假象和恶言，
Cungj vih goeng caeuq yah 都是公婆编；
Youq mbanj gwnz mbanj laj 在上村下屯，
Goj raennaj ciengzyinz 可时常见面。
Gou mbouj miz maz loek 我没什么错，
De cang coeg dwk vunz 他们装竹尖；
Goengyah hengz doegsim 公婆行毒心，
Cij biekvaen ngoenzneix 才离婚今天。
47
Daengq doengzdoih ranzhenz 嘱同伴邻家，
Gou yamq din baenaj 我迈步前去；
Bae ra dieg lingh haq 找地方再嫁，
Vih bazyah haih gou 因被家婆驱。
Dou song vunz bieksanq 我两人分别，
Dangq roeghanq gag mbin 像天鹅飞离；
Daengq doengzdoih ranzhenz 嘱同伴邻家，
Gou yamq din baenaj 我迈步前去。
Dangco nuengx caeuq beix 当初妹和哥，
Caez doxgyaez dangq mbaj 如蝴蝶伴侣；
Bae ra dieg lingh haq 找地方再嫁，
Vih bazyah haih gou 因被家婆驱。
48
Coenz neix daengq beixnuengx 这句嘱兄妹，
Gou ienuengj cibfaen 我十分冤枉；
Caiq mbouj ndaej doxraen 再不得相见，
Dwen daengz raemxda doek 提起泪汪汪。
Daeuj ndaej cib lingz bi 来得十多年，
Cix biek bae lingh mbiengj 今别去他乡；
Coenz neix daengq beixnuengx 这句嘱兄妹，
Gou ienuengj cibfaen 我十分冤枉。
Daengjgonq fanz vingdaex 以前烦兄弟，
Hix mbouj ndaej boiz aen 恩无法报偿；
Caiq mbouj ndaej doxraen 再不得相见，
Dwen daengz raemxda doek 提起泪汪汪。
49
Daeuj ndaej cib lai bi 来得十多年，
Mbouj miz di vi mwngz 没哪点亏你；
Cam ranz laj ranz gwnz 问上邻下舍，
Gou miz coenz lawz loek 我错在哪里。
Hong ranz yienghyiengh you 家务全操劳，
Dauq naeuz gou fouzleix 反讲我无理；
Daeuj ndaej cib lingz bi 来得十多年，
Mbouj miz di vi mwngz 没哪点亏你。
Bik gou bae lingh haq 逼我去再嫁，
Mbouj miz naj doiq vunz 无脸见妯娌；
Cam ranz laj ranz gwnz 问上邻下舍，
Gou miz coenz lawz loek 我错在哪里。
50
Gvanbaz guh buenq ciuh 夫妻做半辈，
Mboujliuh sanq ngoenzneix 今天被分离；
Gag vunz youq gag deih 各人在各处，
Nanz fugsaeh daengz mwngz 难服侍到你。
Ceksanq dou gvanyah 拆散我夫妻，
Dangq dwg raemxdah biu 像河水流去；
Gvanbaz guh buenq ciuh 夫妻做半辈，
Mboujliuh sanq ngoenzneix 今天被分离。
Goengbuz mbouj gangj leix 公婆不讲理，
Gou ngoenzneix okbae 我今天别离；
Gag vunz youq gag deih 各人在各处，
Nanz fugsaeh daengz mwngz 难服侍到你。
51
Cek gou song gvanyah 拆我夫妻俩，
Vit gyang dah gyang roen 丢半途半路；
Nyengh biek dou song vunz 硬拆我两人，
Dauhleix doeng rox mbouj 道理通或不。
Gou saetloek yienghlawz 我失错哪样，
Mo simdaeuz daengz laj 摸心头清楚；
Cek dou song gvanyah 拆我夫妻俩，
Vit gyang dah gyang roen 丢半途半路。
Bouxlawz sim cakyak 哪个在作恶，
Mbwn goj gag miz ngoenz 老天会惩处；
Nyengh biek dou song vunz 硬拆我两人，
Dauhleix doeng rox mbouj 道理通或不。
52
Dauhleix cungj mbouj gangj 道理都不讲，
Cienz ngangjsangj gvaq gwnz 顽固太过头；
Nyengh biek dou song vunz 硬拆我两人，
Yawz aensim baenz doeg 为何心毒透。
Yawz gangj cungj mbouj doeng 怎讲都不通，
Song yah goeng ceiq ngangz 两公婆犟够；
Dauhleix cungj mbouj gangj 道理都不讲，
Cienz ngangjsangj gvaq gwnz 顽固太过头。
Guk doeg ndi gwn lwg 虎毒不吃子，
Sou lai doeg gvaq nyaen 你毒过野兽；
Nyengh biek dou song vunz 硬拆我两人，
Yawz aensim baenz doeg 为何心毒透。
53
Gou ienq goeng ienq yah 我怨恨公婆，
Baenaj mbouj baenz vunz 再嫁不如人；
De aiq fouq yiemz gungz 她爱富嫌穷，
Youz gwnzmbwn daeuj yawj 由上天定论。
Baenaj mbouj doengz vunz 前去成另类，
Gou aensim mbouj yax 我心实悲愤；
Gou ienq goeng ienq yah 我怨恨公婆，
Bae haq mbouj baenz vunz 再嫁不如人。
Doengh yienghneix goengyah 像这样公婆，
Langhdangh haq daeuj daengz 冤枉嫁进门；
De aiq fouq yiemz gungz 他爱富嫌穷，
Youz gwnzmbwn daeuj yawj 由上天定论。
54
Liengh gangj hix mbouj hingz 再讲也不赢，
Soh cienq din doxdauq 干脆转身走；
Mbouj caeuq sou cengcauj 不与你争吵，
Naeuz goengdauh mboujcaengz 公道了没有。
Gou daeuj baenzlai naih 我来这么久，
De saedcaih fouzcingz 对他已看透；
Liengh gangj hix mbouj hingz 再讲也不赢，
Soh cienq din doxdauq 干脆转身走。
Sou yawz naeuz cungj ndaej 你怎讲都行，
Dauqdaej miz goeng’au 叔伯都还有；
Mbouj caeuq sou cengcauj 不同你争吵，
Naeuz goengdauh mboujcaengz 公道了没有。
55
Goengyah bau cek vaen 公婆包拆婚，
Fwngz gaem rin ok lwed 手抓石血飞⑥ ；
Dah lawz daeuj swnj dieg 哪女来继承，
Hix dwg uet raemxda 也是抹眼泪。
⑥Fwngz gaem rin ok lwed (手抓石头也要喷血)：喻指女子被公婆拆散婚姻后极度愤恨。
Bik dou daeuj doxbiek 逼我俩分离，
Dangq caxdiet camx sim 如刀插心肺；
Goengyah bau cek vaen 公婆包拆婚，
Fwngz gaem rin ok lwed 手抓石血飞 。
Gou cix ok sawfaenz 我写出文书，
Cienz yiengq daengz roek guek 向六国纷飞；
Dah lawz daeuj swnj dieg 哪女来继承，
Hix dwg uet raemxda 也是抹眼泪。
(1) roek guek(六国)：指天下各地。
(caengz sat)
缩小
默认
