(ciep geizgonq)
36
Dag duhsou simdaeuz 摸你们良心，
Dwg bouxlawz sim doeg 哪个是心毒；
Ngoenz doeng yoeg sae yoeg 整天乱唆使，
Cinx cang coeg dwk gou 给我装尖竹。
Gangjvah mbouj miz goek 讲话无根据，
Di lawz loek mwngz naeuz 有哪点错出；
Dag duhsou simdaeuz 摸你们良心，
Dwg bouxlawz sim doeg 哪个是心毒。
Ngoenz doeng gangj sae gangj 日来胡乱说，
Beij duzdangh lij doeg 比蛇还要毒；
Ngoenz doeng yoeg sae yoeg 整天乱唆使，
Cinx cang coeg dwk gou 给我装尖竹。
37
Heuh vunz sij sawfaenz 叫人写文书，
Gou ndawsim cienz luenh 我心中烦乱；
Guenj mwngz nyienh mbouj nyienh 管你愿不愿，
Dingh aeu duenh vaen’ien 定把婚姻断。
Cek vaen’ien lwgbawx 拆儿媳婚姻，
Duenh foufouh ciuh vunz 夫妻情爱断；
Heuh vunz sij sawfaenz 叫人写文书，
Gou ndawsim cienz luenh 我心中烦乱。
Goengyah roengz doegsim 公婆下毒心，
Dawz gyadingz gauj luenh 把家庭搞乱；
Guenj mwngz nyienh mbouj nyienh 管你愿不愿，
Dingh aeu duenh vaen’ien 定把婚姻断。
38
Cang cauh coenz cauh vah 编话乱诬赖，
Cungj vih yah caeuq goeng 都是公婆坏；
Gvanyah mbouj miz loeng 夫妻没有错，
Dan yahgoeng doeghaih 只因公婆害。
Baz gangjnaeuz mbouj aeu 家婆讲不要，
Gvan lawz naeuz gamj hah 丈夫怎敢爱；
Cang cauh coenz cauh vah 编话乱诬赖，
Cungj vih yah caeuq goeng 都是公婆坏。
Dou dangq song beixnuengx 我俩像兄妹，
Sim goj nyuenh(nyienh) doxgaen 心愿永相爱；
Gvanyah mbouj miz loeng 夫妻没有错，
Dan yahgoeng doeghaih 只因公婆害。
39
Gou okbae lo yah 我去了家婆，
Lingh ndaej ra bawx ndei 再找好儿媳；
Sawj gou roek bi geij 使我六年多，
Dangq bienzngeiz vunzhoiq 像便宜奴隶。
Seizneix cuengqsim roengz 现在已如意，
Cog miz ngoenz goj ra 让儿再选妻；
Gou okbae lo yah 我去了家婆，
Lingh ndaej ra bawx ndei 再找好儿媳。
Gwn goengrengz gou caenh 耗尽我劳力，
Dawz gou caenh okbae 把我赶出去；
Sawj gou roek bi geij 使我六七年，
Dangq bienzngeiz vunzhoiq 像便宜奴隶。
40
Lwnh hawj cungqvunz dingq 告诉众人知，
De doegsim baenzneix 她这样毒凶；
Fouzguq cek gvanmaex 无故拆夫妻，
Lau diendeih mbouj yungz 怕天地不容。
De cungj mbouj aeunaj 她实不要脸，
Ngoenz caenh ndaq mbouj dingz 整天骂一通；
Lwnh hawj cungqvunz dingq 告诉众人知，
De doegsim baenzneix 她这样毒凶。
Gou yienghlawz mbouj baenz 我哪样不行，
Baengh cungqvunz caez ngeix 众人心最公；
Fouzguq cek gvanmaex 无故拆夫妻，
Lau diendeih mbouj yungz 怕天地不容。
41
Mwngz yienghneix guh vunz 你这样做人，
Ndawsim cungj nyawz siengj 内心想怎样；
Dawz gou gveng ok mbiengj 把我丢一边，
Gou yied siengj yied vi 越想越悲伤。
Dou song vunz goj ndei 我俩可是好，
Mwngz nyengh bae cek vaen 拆婚太失望；
Mwngz yienghneix guh vunz 你这样做人，
Ndawsim cungj nyawz siengj 内心想怎样。
Yienghyiengh vih sou ceng 样样为你争，
Feiq goengrengz vaihvuengj 心血全泡汤；
Dawz gou gveng ok mbiengj 把我丢一边，
Gou yied siengj yied vi 越想越悲伤。
42
Ngamq ndaej cibbet bi 刚满十八岁，
Couh daeuj dineix haq 就嫁到这里；
Yienghyiengh gou guh gvaq 样样我都做，
Sou naeuz ca yienghlawz 差哪样不及。
Nienzgeij oiq goj oiq 虽年纪轻轻，
Gou hoihhoih guh ndei 我慢慢打理；
Ngamq ndaej cibbet bi 刚满十八岁，
Couh daeuj dineix haq 就嫁到这里。
Lwnh bae mbanj bae haw 走村或赶圩，
Cungj hawj sou bae caz 给你们查去；
Yienghyiengh gou guh gvaq 样样我都做，
Sou naeuz ca yienghlawz 差哪样不及。
43
Uengjfeiq sou ciuh neix 枉费你这辈，
Cienz canggeiq gwnvunz 害人施诡计；
Goeng rwix yah doegsim 公坏婆心毒，
Diemj lajmbwn siuj miz 天下少像你。
Lienz vunzmbanj cungj naeuz 村里人都讲，
Sou mbouj aeu dauhleix 你们没道理；
Uengjfeiq sou ciuhneix 枉费你这辈，
Cienz canggeiq gwnvunz 害人施诡计。
Goek baenzlawz mbouj gangj 原来怎不讲，
Daengz cungqgyang cek vaen 中途拆婚去；
Goeng rwix yah doegsim 公坏婆心毒，
Diemj lajmbwn siuj miz 天下少像你。
44
Lwnh sou gak caencik 告诉各亲戚，
Goengyah gig doengz sim 公婆黑心头；
Ngaiz souh mbouj hawj gwn 饭粥不给吃，
Iek dangq nyaen gyangdoengh 饿像旷野兽。
Mbouj hawj daenj hawj gwn 都不给吃穿，
Ngoenz dak fwn dak ndit 日晒雨淋透；
Lwnh sou gak caencik 告诉各亲戚，
Goengyah gig doengz sim 公婆黑心头。
De seiqseiz cauh hux 他们常造祸，
Daeuj fouzguq cek vaen 找拆婚理由；
Ngaizsouh mbouj hawj gwn 饭粥不给吃，
Iek dangq nyaen gyangdoengh 饿像旷野兽。
45
Ngonz gou mbouj dij cienz 今看我不值，
Vanzlij yiemz gou hoj 还嫌娘家苦；
Byonghgyang cek giuzloh 半中拆路桥，
Haih gou hoj ciuhvunz 害我成弃妇。
Co song raeuz guhdoih 当初咱做伴，
Nyienh giet doiq cien nienz 愿结千年树；
Ngonz gou mbouj dij cienz 今看我不值，
Vanzlij yiemz gou hoj 还嫌娘家苦。
Gou haq daeuj ranz mwngz 我嫁到你家，
Cix laemxsim bae coh 就横心永住；
Byonghgyang cek giuzloh 半中拆路桥，
Haih gou hoj ciuhvunz 害我成弃妇。
(caengz sat)
缩小
默认
