Vihliux dem’ak naengzlig gangjvah Vahcuengh, beizyangj gyoengq hagseng gyaez Sawcuengh. 6 nyied 27 hauh, Bahmaj Yauzcuz Swciyen youq Bahmaj Cin Banzyangz Sizyen Siujyoz gawjhengz daengx yienh gaiq daihsam siujhagseng gangj gojgaeq Vahcuengh doxdax. Youq mboengq doxdax gaxgonq, sien hawj gak ban baij senjsouj camgya doxdax, doeklaeng, aeu 10 boux ak haenx daeuj guh gezsai. Doxdax hengz itdaengj ciengj boux ndeu, ngeihdaengj ciengj song boux, samdaengj ciengj sam boux, hawj yen gyauyuzgiz daj yienh minzcuz cunghyoz genj gyoengq lauxsae conhyez Sawcuengh ak haenx daeuj dang bouxbingzveij. Baez doxdax neix, hingzsik lai yiengh, miz boux dandog gangj, miz song vunz doiq gangj, miz lai boux caez gangj; neiyungz fungfouq mizyinx, miz gojgaeq gaeuq, miz gojgaeq moq. 10 boux senjsouj ginggvaq haenqrengz doxbingq, doek- laeng Cinz Lingzvei doengzhag aeu ndaej daih- it mingz.

(Moz Sangvwnz/莫尚文)