Moix bi daengz ngoenz liggaeuq loeg nyied coloeg, Yungzsuij Myauzcuz Swciyen gyoengq beixnuengx Myauzcuz couh daenj buhmoq, comz daengz Yanghfwnj Yangh Mbanjmauzbingz, guh boq venz、diuq foux- caijdangz、max doxdik、roeg doxdot、dox gonhraemx、beij youzraemx daengj hozdung, angqhoh “ciet cimz moq”.

“Ciet cimz moq” dwg ngoenzciet angqhoh fungsou Myauzcuz, gij daegdiemj de dwg “cimz moq”:Gyoengqvunz bae reih mbaet aeu haeuxyangz ngamq cug haenx ma, caeuq haeuxcid naengj cug le gyuk baenz ceiz rangfwdfwd, heuhguh haeuxmoq; daj ndaw dah gaeb byaleix ma oenq, guh baenz byaoenq, heuhguh byamoq; daj gwnz bya dwk ndaej duzroeg, aeu noh duzroeg caeuq byaekmiek、duhnoh cawj baenz souh, heuhguh byaek- moq; mehmbwk Myauzcuz guh gij laeuj hawj vwnzlai ngoenzciet gwn haenx, heuhguh laeujmoq. Daengz ngoenzciet banhaet, moix ranz dawz gijgwn neix daeuj baij gwnzdaiz, vunzlai caezgya gwn, angqhoh ngoenzciet.