●Duenh gonq, Nanzdanh Yen ciuhai minzcuz mouyiz giyez bingzsaemjvei, saemjdingh 13 aen giyez dwg minzcuz mouyiz giyez, daengx yienh minzmou giyez youz 7 aen fazcanj daengz 20 aen, minzmou giyez gyalai 185%.

(Yangz Caijyenz)

●2014 nienz buenq bi gonq, Nazboh Yen Minzcuzgiz gungh ceng ndaej daih’it buek hanghmoeg cienzngaenz fazcanj saujsu minzcuz 24 aen, cienzngaenz 940 fanh maenz. Guh gij hanghmoeg neix, hawj aen yienh neix saujsu minzcuz ndaej gaijndei swnghcanj swnghhoz diuzgen, gyalai vunzlai souhaeuj.

(Vangz Bizvaz)

●7 nyied 11 hauh, Fuconh Yauzcuz Swciyen Gwzboh Cin Sinhbohgaih Cunh daih’it aen lajmbanj gyauyuz gihginh laeb- baenz lo, laeb aen gihginh neix dwg vihliux hawj lwgnyez lajmbanj haenqrengz doegsaw, hix dingh le ndaw cunh bouxlawz gauj hwnj dayoz le, couh ndaej cienzngaenz bangcoengh, neix vunzlai haenh- ndei.

(Cinz Yengiz)

●2011 nienz, Mungzsanh Yen bouxcoz dajgoeng dauqranz de heuhguh Lij Yauvuj youq Sihhoz Cin Lozyungh Cunh laeb roeg- beggap dajciengx gihdi, seizneix ciengx miz 6000 lai doiq. Dangqnaj aen gihdi neix baengh aen Yinyiz Roegbeggap Dajciengx Conhyez Hozcozse, fazcanj seyenz 80 lai hoh, bangfuz 50 hoh gungzhoj dajciengx roegbeggap, neix hawj dangdieg ndaej gaijbienq le ginghci gezgou.

(Vangz Genyenz Gvanh Sinh)

●2015 nienz dwg Duh’anh Yauzcuz Swciyen laebbaenz 60 hopbi. Swcigih Yinzminz Cwngfuj nem swcigih gak mizgven bumwnz daihlig cihciz aen yienh neix guh yienhgingq hanghmoeg gensez, hawj cienzngaenz 6073 fanh maenz, yungh daeuj youq dieg saujsu minzcuz comzyouq guh yinxraemx、doengdienh、roen daengj 23 aen hanghmoeg gihcuj sezsih.

(Lanz Fuzgvanh Banh Cing)