Geij ngoenz gonq, Yungzsuij Myauzcuz Swciyen Minzcuzgiz giet- dingh giethab gij cingzgvang saedsaeh dangdieg, bineix aeu gouj aen cosih youqgaenj guh ndei hong minzcuz.

It dwg nyinhcaen hagsib gvancez dangj cibbet daih cingsaenz, haeujlaeg gaihcanj dangj raeuz ginzcung lusen sizcen hozdung, haenqrengz guh hong hawj hong minzcuz miz yienghsiengq moq. Ngeih dwg gyarengz senhconz minzcuz cwngcwz fazgveih, haenq- rengz saedyienh minzcuz gunghcoz seveiva. Sam dwg baengh minzcuz cietgingq nem cietbaebo, haenqrengz dajcaux buek minzcuz vwnzva maenhndei ndeu. Seiq dwg nyinh- caen guh ndei hong swnjcienz、henhoh、fazcanj minzcuz vwnzva, okbanj buek saw、deb miz minzcuz daegsaek ndeu. Haj dwg guh ndei hong henhoh doenghgij mbanj miz minzcuz daegsaek. Roek dwg cizgiz ceng’aeu gij cienzngaenz fazcanj saujsu minzcuz, cietsaed dwk vih saujsu minzcuz fuzvu. Caet dwg dajyinx Gunjbei Dungcuz Yangh guh ndei hong angqhoh laebbaenz 30 hopbi, caencingq hawj vunz mbanj Dungcuz roxyiuj gij minzcuz cwngcwz dangj raeuz ndei. Bet dwg gyagiengz guh ndaw giz neix gihgvanh gensez. Gouj dwg cujciz guh ndei buek hozdung ndaw ciet 2014 nienz Cungguek·Yungzsuij Myauzcuz aenvenz maxdoxdik neix.

(Moz Cwngzveij/莫成伟)